Bhuvanavahini | ಜಿನಮಿತ್ರ

ದಶಲಕ್ಷಣ ಪರ್ವ ಸಮಾರಂಭ

ಕಾರ್ಕಳ/ಹಿರಿಯಂಗಡಿ: ಶ್ರೀ ಭುಜಬಲಿ ಬ್ರಹ್ಮಚರ್ಯಾಶ್ರಮದ ಜಿನಮಂದಿರದ ಪ್ರಾಂಗಣದಲ್ಲಿ ದಶಲಕ್ಷಣ ಪರ್ವ ಸಮಾರಂಭವು ಪರಮಪೂಜ್ಯ ಏಲಾಚಾರ್ಯ ೧೦೮ ಶ್ರೀ ಪ್ರಸಂಗಸಾಗರ ಮುನಿಮಹಾರಾಜರ ಮತ್ತು ಪರಮಪೂಜ್ಯ ೧೦೮ ಶ್ರೀ ಮಹಿಮಾಸಾಗರ ಮುನಿಮಹಾರಾಜರ ಆಶೀರ್ವಾದಪೂರ್ವಕ ಕಾರ್ಕಳ ಶ್ರೀ ಜೈನ ಮಠದ ರಾಜಗುರು ಧ್ಯಾನಯೋಗಿ ಪರಮಪೂಜ್ಯ ಸ್ವಸ್ತಿಶ್ರೀ ಲಲಿತಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯವರ್ಯ ಮಹಾಸ್ವಾಮೀಜಿಯವರ ಪಾವನ ಸಾನ್ನಿಧ್ಯ ಮಂಗಲ ಪ್ರವಚನದೊಂದಿಗೆ ದಿನಾಂಕ 16-09-2026ನೇ ಬುಧವಾರದಿಂದ 25-09-2026ನೇ ಶುಕ್ರವಾರದ ಪರ್ಯಂತ ಪ್ರತಿನಿತ್ಯ ಸಂಜೆ ಗಂಟೆ 6-00ರಿಂದ ಪೂಜೆ, ಭಜನೆ ವಿದ್ವಾಂಸರ ಹಾಗೂ ವಿದ್ಯಾರ್ಥಿಗಳ ಉಪನ್ಯಾಸ ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ಜರಗಲಿದೆ.

ದಶಲಕ್ಷಣ ಪರ್ವ ಮತ್ತು ಬೃಹತ್ ಋಷಿಮಂಡಲ ಮಹಾ ಆರಾಧನೆ

ಬೆಂಗಳೂರು: ದಶಲಕ್ಷಣ ಮಹಾಪರ್ವ ಆಚರಣೆಯು ಆಚಾರ್ಯ ಶ್ರೀ ೧೦೮ ಅನೇಕಾಂತ ಸಾಗರ ಮುನಿ ಮಹಾರಾಜರು ಹಾಗೂ ಚತುರ್ವಿಧ ಸಂಘದ ಪರಮ ಪಾವನ ಸಾನ್ನಿಧ್ಯದಲ್ಲಿ ದಿನಾಂಕ 16-09-2026 ಬುಧವಾರದಿಂದ 26-09-2026 ಶನಿವಾರದವರೆಗೆ ನಡೆಯಲಿದೆ. ಬೃಹತ್ ಋಷಿಮಂಡಲ ಮಹಾ ಆರಾಧನೆಯು ದಿನಾಂಕ 16-09-2026 ಬುಧವಾರದಿಂದ 23-09-2026 ಬುಧವಾರದ ವರೆಗೆ ಜರಗಲಿದೆ. ಚಾರಿತ್ರ ಚಕ್ರವರ್ತಿ ಪ್ರಥಮಾಚಾರ್ಯ ಶ್ರೀ ಶಾಂತಿಸಾಗರ ಮುನಿಮಹಾರಾಜರ 71ನೇ ಪುಣ್ಯತಿಥಿ ಕಾರ್ಯಕ್ರಮವು ದಿನಾಂಕ 20-09-2026 ಭಾನುವಾರದಂದು ನಡೆಯಲಿದೆ. ಈ ಮೇಲಿನ ಎಲ್ಲಾ ಕಾರ್ಯಕ್ರಮಗಳು ಬೆಂಗಳೂರಿನ ಕರ್ನಾಟಕ ಜೈನ ಭವನದಲ್ಲಿ ನೆರವೇರಲಿದೆ ಎಂದು ಪ್ರಕಟಣೆ ತಿಳಿಸಿದೆ.

ಹುಕ್ಕೇರಿ: Tr. ಸುಭಾಷಬಾಬು ಬಸ್ತವಾಡ ಅವರಿಗೆ ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ

ಸರ್ಕಾರಿ ಹಿರಿಯ ಪ್ರಾಥಮಿಕ ಉರ್ದು ಗಾಂಧಿನಗರ ಶಾಲೆ ಹುಕ್ಕೇರಿಯ ಕನ್ನಡ ಶಿಕ್ಷಕರಾದ Tr. ಸುಭಾಷಬಾಬು ಬಸ್ತವಾಡ ಅವರ ಶಿಕ್ಷಣ ಕ್ಷೇತ್ರದಲ್ಲಿ 27 ವರ್ಷಗಳ ಸುದೀರ್ಘ ಸೇವೆ, ತಮ್ಮ ಅವಿರತ ಶ್ರಮ, ನಿಸ್ವಾರ್ಥ ಸೇವೆಯನ್ನು ಗುರುತಿಸಿ ಚಿಕ್ಕೊಡಿಯ ವಾರಿ ನಾಗಲಿಂಗೇಶ್ವರ ಕಲ್ಯಾಣ ಮಂಟಪದ ಭವ್ಯ ವೇದಿಕೆಯಲ್ಲಿ ನಡೆದ ಸಮಾರಂಭದಲ್ಲಿ ಶಾಸಕರಾದ ಗಣೇಶ್ ಹುಕ್ಕೇರಿರವರು ಗಣ್ಯಾತೀಗಣ್ಯರ ಸಮ್ಮುಖದಲ್ಲಿ ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ, ಸ್ಮರಣಿಕೆ, ಪ್ರಶಸ್ತಿ ಶಾಲು, ಹಾರ ಹಾಕಿ ಗೌರವಿಸಿದರು.

ಶೋಡಶಕಾರಣ ಮಹಾಪರ್ವ

ಸೋಂದಾ: ಶ್ರೀ ಕ್ಷೇತ್ರ ಸ್ವಾದಿ ದಿಗಂಬರ ಜೈನ ಮಠದಲ್ಲಿ ಜೈನ ಶೋಡಶಕಾರಣ ಮಹಾಪರ್ವ (ಹದಿನಾರು ದಿನಗಳ ಪವಿತ್ರ ಪರ್ವ)ವು ಪ.ಪೂ ಸ್ವಸ್ತಿಶ್ರೀ ಭಟ್ಟಾಕಲಂಕ ಭಟ್ಟಾರಕ ಪಟ್ಟಾಚಾರ್ಯವರ್ಯ ಮಹಾಸ್ವಾಮೀಜಿಗಳವರ ನೇತೃತ್ವ, ಮಾರ್ಗದರ್ಶನ ಹಾಗೂ ಪಾವನ ಸಾನ್ನಿಧ್ಯದಲ್ಲಿ ಸೆ. 12 ರಿಂದ 27 ರವರೆಗೆ ಜರುಗಲಿದೆ.

ರಾಜ್ಯ ಉಚ್ಛನ್ಯಾಯಾಲಯದ ಮಹಿಳಾ ನ್ಯಾಯಮೂರ್ತಿಯಾಗಿ ಉಷಾರಾಣಿಯವರು ನೇಮಕ

ಮೈಸೂರಿನಲ್ಲಿ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದ ಉಷಾರಾಣಿ ಇವರನ್ನು ಉಚ್ಛನ್ಯಾಯಾಲಯದ ನ್ಯಾಯಮೂರ್ತಿಯಾಗಿ ನೇಮಕ ಮಾಡಲಾಗಿದೆ. ಇವರು ಉಚ್ಛನ್ಯಾಯಾಲಯದ ಪ್ರಥಮ ಜೈನ ಮಹಿಳಾ ನ್ಯಾಯಮೂರ್ತಿ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ. ಇವರು ಉಜಿರೆಯ ಎಸ್.ಡಿ.ಎಂ. ಕಾಲೇಜಿನ ಹಿರಿಯ ವಿದ್ಯಾರ್ಥಿನಿಯಾಗಿರುತ್ತಾರೆ. ಮೂಲತಃ ಬೆಳ್ತಂಗಡಿ ತಾಲೂಕಿನವರಾದ ಇವರು ಹಿರಿಯ ವಕೀಲರು ಹಾಗೂ ಸಮಾಜಸೇವಾಕರ್ತರಾಗಿ ಚಿರಪರಿಚಿತರಾಗಿದ್ದ ದಿವಂಗತ ನೇಮಿರಾಜ ಶೆಟ್ಟಿರವರ ಪುತ್ರಿ.

ವೇಣೂರಿನಲ್ಲಿ ದಶಲಕ್ಷಣ ಮಹಾಪರ್ವ ಆಚರಣೆ

ಇತಿಹಾಸ ಪ್ರಸಿದ್ಧ ವೇಣೂರು ಭಗವಾನ್ ಶ್ರೀ ಬಾಹುಬಲಿ ಕ್ಷೇತ್ರದಲ್ಲಿ ಶ್ರೀ ದಿಗಂಬರ ಜೈನ ತೀರ್ಥಕ್ಷೇತ್ರ ಸಮಿತಿ (ರಿ.) ವತಿಯಿಂದ ದಶಲಕ್ಷಣ ಮಹಾಪರ್ವ ಆಚರಣೆಯು ಪರಮಪೂಜ್ಯ 'ಭಾರತಭೂಷಣ' ಜಗದ್ಗುರು ಡಾ| ಸ್ವಸ್ತಿಶ್ರೀ ಭಟ್ಟಾರಕ ಚಾರುಕೀರ್ತಿ ಪಂಡಿತಾಚಾರ್ಯವರ್ಯ ಮಹಾಸ್ವಾಮೀಜಿಯವರು, ಶ್ರೀ ದಿಗಂಬರ ಜೈನ ಮಠ ಮೂಡುಬಿದಿರೆ ಇವರ ದಿವ್ಯ ಆಶೀರ್ವಾದ ಹಾಗೂ ಮಾರ್ಗದರ್ಶನದಲ್ಲಿ ಸಮಿತಿಯ ಅಧ್ಯಕ್ಷರಾದ 'ಪದ್ಮವಿಭೂಷಣ' ರಾಜರ್ಷಿ ಪೂಜ್ಯ ಡಾ| ಡಿ. ವೀರೇಂದ್ರ ಹೆಗ್ಗಡೆಯವರು, ಧರ್ಮಾಧಿಕಾರಿಗಳು, ಶ್ರೀ ಕ್ಷೇತ್ರ ಧರ್ಮಸ್ಥಳ ಇವರ ಪ್ರೇರಣೆ ಹಾಗೂ ಸಮಿತಿಯ ಉಪಾಧ್ಯಕ್ಷರಾದ ತಿಮ್ಮಣ್ಣರಸರಾದ ಡಾ| ಪದ್ಮಪ್ರಸಾದ್‌ ಅಜಿಲರು, ಅಳದಂಗಡಿ ಅರಮನೆ ಇವರ ನೇತೃತ್ವದಲ್ಲಿ ತಾ. 16-09-2026ನೇ ಬುಧವಾರದಿಂದ ತಾ. 25-09-2026ನೇ ಶುಕ್ರವಾರದವರೆಗೆ ಪ್ರತಿದಿನ ಅಪರಾಹ್ನ ಗಂಟೆ 4-30ರಿಂದ 6-00ರ ವರೆಗೆ ಜರಗಿಸಲಾಗುವುದು. ಪ್ರತೀ ದಿನ ಅಪರಾಹ್ನ ಗಂಟೆ 4-30ರಿಂದ ವೇಣೂರು ಬಸದಿ ಭಗವಾನ್ ಶ್ರೀ ಪಾರ್ಶ್ವನಾಥ ಸ್ವಾಮಿಗೆ ಕ್ಷೀರಾಭಿಷೇಕ ಯಾತ್ರಿ ನಿವಾಸದಲ್ಲಿ ಉಪನ್ಯಾಸ, ಬಳಿಕ ಉಪಹಾರ ಜರಗಲಿದೆ.

ಮಂಗಳೂರು: ಆಗಸ್ಟ್ ತಿಂಗಳ ಮಾಸಿಕ ಸಭೆಯ ವರದಿ

ಭಾರತೀಯ ಜೈನ್ ಮಿಲನ್ ಮಂಗಳೂರು ವತಿಯಿಂದ ಆಗಸ್ಟ್ ತಿಂಗಳ ಮಾಸಿಕ ಸಭೆಯನ್ನು "ಪ್ರತಿಭಾ ಪುರಸ್ಕಾರ ಹಾಗೂ ವಿದ್ಯಾರ್ಥಿವೇತನ" ಕಾರ್ಯಕ್ರಮದೊಂದಿಗೆ ಅತ್ಯಂತ ಅರ್ಥಪೂರ್ಣವಾಗಿ ಆಯೋಜಿಸಲಾಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಚಿನ್ ಕುಮಾರ್ ಜೈನ್, ಅಧ್ಯಕ್ಷರು, ಭಾರತೀಯ ಜೈನ್ ಮಿಲನ್ ಮಂಗಳೂರು, ಇವರು ವಹಿಸಿದ್ದರು. ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಸುಮಂತ್ ಕುಮಾರ್ ಜೈನ್, ಅಧ್ಯಕ್ಷರು, ಎಕ್ಸೆಲ್ ಸಮೂಹ ಸಂಸ್ಥೆ, ಗುರುವಾಯನಕೆರೆ, ಹಾಗೂ ಅತಿಥಿಗಳಾಗಿ ಶೋಭಾಕರ್ ಬಳ್ಳಾಲ್, ರತ್ನಾಕರ್ ಜೈನ್, ಮಾಲಿನಿ ವಿದ್ಯಾಧರ್ ರವರುಗಳು ಆಗಮಿಸಿದ್ದರು. ಈ ಸಂದರ್ಭದಲ್ಲಿ 19 ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನ ಹಾಗೂ 3 ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು. ವಿದ್ಯಾರ್ಥಿಗಳ ಶೈಕ್ಷಣಿಕ ಸಾಧನೆಯನ್ನು ಗುರುತಿಸಿ ಪ್ರೋತ್ಸಾಹಿಸುವ ಮೂಲಕ ಅವರ ಮುಂದಿನ ವಿದ್ಯಾಭ್ಯಾಸಕ್ಕೆ ಉತ್ತೇಜನ ನೀಡಲಾಯಿತು. ನಂತರ ಹುಟ್ಟುಹಬ್ಬ ಹಾಗೂ ವೈವಾಹಿಕ ವಾರ್ಷಿಕೋತ್ಸವದ ಸಂಭ್ರಮವನ್ನು ಆಚರಿಸಲಾಯಿತು. ಕಾರ್ಯಕ್ರಮದ ಅಂಗವಾಗಿ ಅದೃಷ್ಟಶಾಲಿ ಸದಸ್ಯ, ಅದೃಷ್ಟಶಾಲಿ ಸದಸ್ಯೆ, ಅದೃಷ್ಟಶಾಲಿ ಯುವ ಸದಸ್ಯ ಹಾಗೂ ಅದೃಷ್ಟಶಾಲಿ ದಂಪತಿ ಆಯ್ಕೆ ಮಾಡಿ ಅಭಿನಂದಿಸಲಾಯಿತು. ಕಾರ್ಯಕ್ರಮದ ಪ್ರಾಯೋಜಕತ್ವವನ್ನು ಜಿತೇಶ್ ಜೈನ್, ACE, ಬಿಲ್ಡರ್ಸ್, ಮಂಗಳೂರು ಇವರು ವಹಿಸಿಕೊಂಡಿದ್ದರು. ವೃಷಭರಾಜ್ ಜೈನ್ ರವರು ಸ್ವಾಗತಿಸಿದರು. ಕಾರ್ಯಕ್ರಮದ ನಿರೂಪಣೆಯನ್ನು ಬಿಂದು ಬಳ್ಳಾಲ್, ರವರು ನಿರ್ವಹಿಸಿದರು. ಸಿದ್ಧಾರ್ಥ್ ಅಜ್ರಿ ಅವರು ಧನ್ಯವಾದ ಸಮರ್ಪಿಸಿದರು. ಕೊನೆಯದಾಗಿ ಯಶೋಧರ್ P K ಅವರು ಶಾಂತಿಮಂತ್ರವನ್ನು ಹೇಳಿ ಕಾರ್ಯಕ್ರಮವನ್ನು ಸಮಪಾನಗೊಳಿಸಲಾಯಿತು.

ತುಮಕೂರು: ದಶಲಕ್ಷಣ ಪರ್ವ-ಸಂಸ್ಕಾರ ಸಾಧನ ಶಿಬಿರ

ಮಂದರಾಗಿರಿ ತೀರ್ಥ ಪ್ರಣೇತ ಆಚಾರ್ಯ ಶ್ರೀ 108 ಪ್ರಮುಖ ಸಾಗರ ಮಹಾರಾಜರ ಪರಮ ಮಾರ್ಗದರ್ಶನ, ಸಾನಿಧ್ಯದಲ್ಲಿ ದಶಲಕ್ಷಣ ಪರ್ವ-ಸಂಸ್ಕಾರ ಸಾಧನ ಶಿಬಿರವು ದಿನಾಂಕ 16-9-2026 ರಿಂದ 26-9-2026ವರೆಗೆ ನಡೆಯಲಿದೆ. ಶಿಬಿರದಲ್ಲಿ ಯಾವುದೇ ಊರಿನ 8 ರಿಂದ 80 ವರ್ಷದೊಳಗಿನ ಮಕ್ಕಳು ಮಹಿಳೆಯರು ಪುರುಷರು ಸಹ ಭಾಗವಹಿಸಬಹುದು. ಶಿಬಿರಾರ್ಥಿಗಳಿಗೆ ಉಚಿತವಾಗಿ ಶಾಸ್ತ್ರ, ಪುಸ್ತಕ, ಪೆನ್ನು, ವಸ್ತ್ರ (1 ಸೀರೆ / ಪಂಚೆ ಶಲ್ಯ), ಬ್ಯಾಗು, ನೀರಿನಕ್ಯಾನ್, ಜಪಮಾಲೆ, ಆಸನ, ಚಾಪೆ, ಶುದ್ಧ ಭೋಜನ ಹಾಗೂ ವಸತಿ ವ್ಯವಸ್ಥೆ ಮಾಡಲಾಗಿದೆ. ಪ್ರವೇಶಪತ್ರ ನೊಂದಣಿ ಕಡ್ಡಾಯ. ಸಂಪರ್ಕಿಸಿ: 9164348338, 9513414635, 9916783179. ಸ್ಥಳ:- ಜೈನಭವನ, ತುಮಕೂರು.

ಹುಬ್ಬಳ್ಳಿ: ಉಚಿತ ಆರೋಗ್ಯ ತಪಾಸಣಾ ಶಿಬಿರ

ಪ್ರಥಮಾಚಾರ್ಯ ಚಾರಿತ್ಯ ಚಕ್ರವರ್ತಿ ಪರಮಪೂಜ್ಯ 108 ಶ್ರೀ ಶಾಂತಿಸಾಗರ ಮಹಾರಾಜರ 71ನೇ ಪುಣ್ಯತಿಥಿ ಸಂದರ್ಭದಲ್ಲಿ ಆಚಾರ್ಯ ಶ್ರೀ 108 ಶಾಂತಿಸಾಗರ ಅಲ್ಪಸಂಖ್ಯಾತ ದಿಗಂಬರ ಜೈನ ಟ್ರಸ್ಟ್ ಹುಬ್ಬಳ್ಳಿ ಇವರ ವತಿಯಿಂದ ಜನಕಲ್ಯಾಣ ಕಾರ್ಯಕ್ರಮದ ಅಂಗವಾಗಿ ಉಚಿತ ಅರೋಗ್ಯ ತಪಾಸಣಾ ಶಿಬಿರವನ್ನು ದಿನಾಂಕ 13-09-2026 ರವಿವಾರದಂದು ಶಾಂತಿನಾಥ ಸಾಂಸ್ಕೃತಿಕ ಭವನ, ಮಹಾವೀರ ಗಲ್ಲಿ ಹುಬ್ಬಳ್ಳಿಯಲ್ಲಿ ಹಮ್ಮಿಕೊಳ್ಳಲಾಗಿದೆ. ಶಿಬಿರ ಸಮಯ: ಬೆಳಿಗ್ಗೆ 11-00 ರಿಂದ ಮಧ್ಯಾಹ್ನ 02-00 ರವರೆಗೆ ಹೆಚ್ಚಿನ ವಿವರಗಳಿಗಾಗಿ ಸಂಪರ್ಕಿಸಿರಿ: ಮಹಾವೀರ ಎನ್‌. ಗೋಂಗಡಿ: 9741197757, ಶಾಂತಿನಾಥ ಕೆ. ಹೋತಪೇಟಿ: 9980897979, ಭರತ ಎ. ಮುತ್ತಗಿ: 9845563752, ರಾಜಶ್ರೀ ಕುಸನಾಳೆ: 9972012020. ವಿ.ಸೂ : ಶಿಬಿರವು ಸರ್ವಧರ್ಮಿಯರಿಗೂ ಮುಕ್ತವಾಗಿರುತ್ತದೆ.

ಕಾರ್ಕಳ: ದಶಲಕ್ಷಣ ಪರ್ವ-ಸಂಸ್ಕಾರ ಸಾಧನ ಶಿಬಿರ

ಶ್ರೀ 108 ಏಲಾಚಾರ್ಯ ಪ್ರಸಂಗ ಸಾಗರ ಮಹಾರಾಜರ ಪರಮ ಮಾರ್ಗದರ್ಶನ ಹಾಗೂ ಪ.ಪೂ ಸ್ವಸ್ತಿಶ್ರೀ ಲಲಿತಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯವರ್ಯ ಮಹಾಸ್ವಾಮೀಜಿಯವರ ದಿವ್ಯ ಸಾನಿಧ್ಯದಲ್ಲಿ ದಶಲಕ್ಷಣ ಪರ್ವ- ಸಂಸ್ಕಾರ ಸಾಧನ ಶಿಬಿರವು ದಿನಾಂಕ 16-9-2026 ರಿಂದ 25-9-2026 ವರೆಗೆ ಚಾತುರ್ಮಾಸ ಭವನದಲ್ಲಿ ನಡೆಯಲಿದೆ. ಶಿಬಿರದಲ್ಲಿ ಯಾವುದೇ ಊರಿನ 8 ರಿಂದ 80 ವರ್ಷದೊಳಗಿನ ಮಕ್ಕಳು, ಮಹಿಳೆಯರು, ಪುರುಷರು ಸಹ ಭಾಗವಹಿಸಬಹುದು. ಶಿಬಿರಾರ್ಥಿಗಳಿಗೆ ಶುದ್ಧ ಭೋಜನ ವ್ಯವಸ್ಥೆ ಮಾಡಲಾಗಿದೆ. ಹೆಚ್ಚಿನ ಮಾಹಿತಿಗೆ ಮತ್ತು ಪೂಜೆಗೆ ಕುಳಿತುಕೊಳ್ಳುವವರು ವಿನಯ ಯುವರಾಜ್ ಆರಿಗ (+91 74065 22545 ), ರಾಜಶ್ರೀ ವಸಂತ್ ಬಂಗ (‪+91 78928 21655‬ ) ಇವರಲ್ಲಿ ತಮ್ಮ ಹೆಸರುಗಳನ್ನು ನೋಂದಾಯಿಸಬಹುದು.

ಜ್ಯೋತಿ ನಾವಳ್ಳಿ ಅವರಿಗೆ ತಾಲೂಕು ಉತ್ತಮ ಶಿಕ್ಷಕಿ ಪ್ರಶಸ್ತಿ

ಕರ್ನಾಟಕ ರಾಜ್ಯ ಸರ್ಕಾರದಿಂದ ಕೊಡಮಾಡಲ್ಪಡುವ ತಾಲೂಕು ಉತ್ತಮ ಶಿಕ್ಷಕಿ ಪ್ರಶಸ್ತಿಯನ್ನು ಹುಬ್ಬಳ್ಳಿಯ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕಿಯಾಗಿ ಕರ್ತವ್ಯ ನಿರ್ವಹಿಸುತ್ತಿರುವ ಜ್ಯೋತಿ ನಾವಳ್ಳಿಯವರಿಗೆ ನೀಡಿ ಗೌರವಿಸಲಾಗಿದೆ.

ಶ್ರೀ ಸಮ್ಮೇದ ಶಿಖರ್ಜಿಗೆ 150 ದರ್ಶನ ಮಾಡಿದ ಭವ್ಯ ಜೀವಿ ನಂಜುಂಡಪ್ಪ ಕೋಟಿ

ಶ್ರೀ ಸಮ್ಮೇದ್ ಶಿಖರ್ಜಿ ವರ್ತಮಾನದ 20 ತೀರ್ಥಂಕರರ ಮತ್ತು ಅಸಂಖ್ಯ ಕೇವಲಿಗಳ ನಿರ್ವಾಣ ಭೂಮಿಯಾಗಿದೆ. ಇಂತಹ ತಪೋ ಭೂಮಿಯನ್ನು ದರ್ಶನ ಮಾಡಲು ಜನ್ಮಜನ್ಮಗಳ ಪುಣ್ಯ ಬೇಕಾಗುತ್ತದೆ. ಭವ್ಯ ಜೀವಿಗಳು ಶಿಖರ್ಜಿ ದರ್ಶನ ಮಾಡಲು ಹಾತೊರೆಯುತ್ತಾರೆ. ಬಾರಿ ಬಾರಿ ದರ್ಶನ ಮಾಡಲು ಜೀವ ಹಾತೊರೆಯುತ್ತದೆ. ಸಮ್ಮೇದ ಶಿಖರ್ಜಿಯು ಜಾರ್ಖಂಡ್ ರಾಜ್ಯದಲ್ಲಿದೆ. ಇಂತಹ ಭವ್ಯ ಕ್ಷೇತ್ರವನ್ನು ನಂಜುಂಡಪ್ಪ ಕೋಟಿಯವರು 150 ಸಲ ಮಾಡಿದ್ದಾರೆ. ಇದರಲ್ಲೇನು ವಿಶೇಷ ಹಲವು ಜನ ಹಲವು ಬಾರಿ ದರ್ಶನ ಮಾಡಿದ್ದಾರೆ ಎಂದು ನೀವು ಅಂದುಕೊಳ್ಳುತ್ತೀದ್ದಿರಲ್ವಾ... ಇಲ್ಲೇ ಒಂದು ಗಮನಾರ್ಹ ವಿಚಾರವಿದೆ. ಅದೇನೆಂದರೆ ನಂಜುಂಡಪ್ಪ ಕೋಟಿಯವರು ಜೈನರಲ್ಲ ಅನ್ಯ ಧರ್ಮೀಯರು. ನಂಜುಂಡಪ್ಪ ಕೋಟಿಯವರು ಹಾವೇರಿಯ ಸವಣೂರಿನವರು. ಇವರು ಈವರೆಗೆ 150 ಸಲ ಶಿಖರ್ಜಿ ದರ್ಶನ ಮಾಡಿದ್ದಾರೆ. ಬಸ್ಸು , ರೈಲು, ವಿಮಾನದ ಮೂಲಕ ಅಷ್ಟೇ ಅಲ್ಲ 5 ಸಲ ಪಾದಯಾತ್ರೆಯ ಮೂಲಕವೂ ಶಿಖರ್ಜಿ ಯಾತ್ರೆ ಮಾಡಿದ್ದಾರೆ. 12 ಬಾರಿ ಶಿಖರ್ಜಿ ಪ್ರತಿಕ್ರಮಣ ಮಾಡಿದ್ದಾರೆ. ಕೇವಲ ಶಿಖರ್ಜಿ ಮಾತ್ರವಲ್ಲದೇ ಗಿರಿನಾರ್, ಶ್ರವಣಬೆಳಗೊಳ ಮುಂತಾದ ಕ್ಷೇತ್ರಗಳ ದರ್ಶನವನ್ನೂ ಮಾಡಿದ್ದಾರೆ. ಕೇವಲ ಶಿಖರ್ಜಿ ದರ್ಶನ ಮಾತ್ರ ಅಲ್ಲ ಇವರು ಸ್ವಾಧ್ಯಾಯ ಪ್ರಿಯರೂ ಕೂಡ ಹೌದು. ಇವರೇ ಸ್ವತಃ ಸ್ವಾಧ್ಯಾಯ ಮಾಡುತ್ತಾರೆ / ಮಾಡಿಸುತ್ತಾರೆ. ಸಂಪೂರ್ಣ ಸಸ್ಯಾಹಾರಿಯಾಗಿರುವ ಇವರು ಭಗವಾನ್ ಬಾಹುಬಲಿಯ ಸಂದೇಶ ಅಹಿಂಸೆಯಿಂದ ಸುಖ, ತ್ಯಾಗದಿಂದ ಶಾಂತಿ ಎಂಬ ತತ್ವವನ್ನು ತನ್ನ ಜೀವನದಲ್ಲಿ ಅಳವಡಿಸಿಕೊಳ್ಳುತ್ತಿದ್ದೇನೆ ಅನ್ನುತ್ತಾರೆ. ಜೈನ ಧರ್ಮದ ಒಂದು ಮಹೋನ್ನತೆಯೆಂದರೆ ನಾಮ ಜೈನರಾಗದೇ ಆಚರಣೆಯಲ್ಲಿ ಜೈನತ್ವವನ್ನು ಅಳವಡಿಸಿಕೊಂಡರೆ ಅವನೇ ನಿಜವಾದ ಜೈನ ಎನ್ನುತ್ತದೆ. ನಂಜುಡಪ್ಪ ಕೋಟಿಯವರಿಗೆ ಶುಭಾಶಯಗಳು. ತಮ್ಮ ಶುಭ ಭಾವನೆ ಉದ್ದೀಪನವಾಗಿ ಮೋಕ್ಷ ಮಾರ್ಗ ಮಗದಷ್ಟೂ ಪ್ರಶಸ್ತವಾಗಲಿ. ನಿರಂಜನ್ ಜೈನ್ ಕುದ್ಯಾಡಿ

ರಕ್ಷಾಬಂಧನದ ಸಂದೇಶ

ರಕ್ಷಾ ಬಂಧನವನ್ನು ಪ್ರತಿ ವರ್ಷ ಶ್ರಾವಣ ನೂಲು ಹುಣ್ಣಿಮೆಯ ದಿನದಂದು ಆಚರಿಸಲಾಗುತ್ತದೆ. ಭಾವನೆಗಳಿಗೆ ಸಂಬಂಧಿಸಿದ ಹಬ್ಬ 'ರಕ್ಷಾ ಬಂಧನ' ಭಾವನೆಗಳಿಗೆ ಸಂಬಂಧಿಸಿದ ಹಬ್ಬ. ಅಂದು ಬೆಳಿಗ್ಗೆಯೇ ಎದ್ದು ನಿತ್ಯ ಕರ್ಮಗಳನ್ನು ಮುಗಿಸಿ ಹೊಸ ಬಟ್ಟೆ ಧರಿಸಿ, ಅಣ್ಣ – ತಂಗಿಯರ ಸಂಬಂಧ ಉತ್ತಮವಾಗಿರಲೆಂದು ಬೇಡಿ, ತನ್ನ ಅಣ್ಣನಿಗೆ ತಿಲಕವಿಟ್ಟು ಆರತಿ ಮಾಡಿ, ಆತನ ಮಣಿಕಟ್ಟಿಗೆ ರಾಖಿ ಕಟ್ಟಿ ನಮಸ್ಕರಿಸಿ ಆಶೀರ್ವಾದವನ್ನು ತಂಗಿ ಸ್ವೀಕರಿಸುತ್ತಾಳೆ. ಅಣ್ಣನೂ ಸಹ ಅದಕ್ಕೆ ಪ್ರತಿಯಾಗಿ ಉಡುಗೊರೆ ನೀಡುತ್ತಾನೆ. ಆದರೆ ಇವೆಲ್ಲಾ ಪೂಜಾ ಕ್ರಮಗಳನ್ನು ಹಬ್ಬದಂದು ಮಾತ್ರ ಮಾಡುವ ಆಚರಣೆಯಾಗಿದೆ. ಅಣ್ಣನಿಂದ ರಕ್ಷಣೆಯ ಭರವಸೆ ಬಹುಷಃ ಯಾವಾಗ ಮನೆ ಮಗಳು ಮದುವೆಯಾಗಿ ತವರು ಮನೆಯಿಂದ ಗಂಡನ ಮನೆಗೆ ಸೇರಿದಳೋ ಅಂದಿನಿಂದಲೇ ಆಕೆಗೆ ಹೆಚ್ಚಿನ ರಕ್ಷಣೆಯ ಅಗತ್ಯವಿರುತ್ತದೆ. ಹೆಣ್ಣಿನ ಮೇಲೆ ಹಲವು ರೀತಿಯ ಶೋಷಣೆ ಹಾಗೂ ಕಿರುಕುಳದಿಂದಾಗಿ ಆಕೆ ತನ್ನ ಗಂಡನ ಮನೆ ತೊರೆದು ತವರಿಗೆ ಬರುತ್ತಾಳೆ. ಏಕೆಂದರೆ ತವರಿನಲ್ಲಿ ತನಗೆ. ರಕ್ಷಣೆ ಹಾಗೂ ಸಹಕಾರ ದೊರೆಯುತ್ತದೆಂಬ ನಂಬಿಕೆಯಿಂದ, ಹಾಗೆಯೇ ಎಲ್ಲಿ ತನ್ನ ತಂಗಿ. ಪುನಃ ಗಂಡನ ಮನೆಗೆ ಹೋದರೆ ಸಂಕಷ್ಟಕ್ಕೆ ಸಿಲುಕುತ್ತಾಳೋ ಎಂಬ ಭಯದಿಂದ ಇಂದಿಗೂ ಮದುವೆಯಾದ ಹೆಣ್ಣು ಮಗಳು ತನ್ನ ತವರಿನಲ್ಲೇ ಉಳಿದಿರುವ ಸಂಖ್ಯೆಯೂ ಅದೆಷ್ಟೇ ಇಂತಹ ಸಂದರ್ಭದಲ್ಲಿ ಅಣ್ಣ ಧೈರ್ಯ ಹೇಳಿ ಪುನಃ ತಂಗಿಯನ್ನು ಕರೆದುಕೊಂಡು ಹೋಗಿ ಗಂಡನ ಮನೆಯಲ್ಲಿ ಬಿಟ್ಟಾಗ ತನ್ನ ರಕ್ಷಣೆಗೆ ಹಾಗೂ ಸಹಾಯಕ್ಕೆ ಸದಾ ತನ್ನ ತವರು ಇದ್ದೇ ಇರುತ್ತದೆ ಎಂಬ ದೃಢ ವಿಶ್ವಾಸವನ್ನು ವ್ಯಕ್ತಪಡಿಸುತ್ತಾಳೆ. ಇದೇ ನಿಜವಾದ ರಕ್ಷಾ ಬಂಧನ. ಸದಾ ಕಾಲ ಸಹೋದರ ಏಳಿಗೆ ಬಯಸುವ ಸಹೋದರಿ ಸಹೋದರರ ಭ್ರಾತೃತ್ವ ಸಾರುವ ಈ ರಕ್ಷಾ ಬಂಧನ ಹಬ್ಬದ ಹಿನ್ನೆಲೆ, ಐತಿಹಾಸಿಕ ಹಾಗೂ ಪೌರಾಣಿಕ ಕಥೆ, ಏಕೆ ರಕ್ಷಾ ಬಂಧನ ಆಚರಿಸುತ್ತಾರೆ ಎಂದು ಮುಂದೆ ತಿಳಿಯೋಣ: ಜೈನ ಧರ್ಮದಲ್ಲಿ ನೂಲು ಹುಣ್ಣಿಮೆಯನ್ನು ಯಾವಾಗಲೂ ಜನಿವಾರ ಧರಿಸುತ್ತಾರೆ. 8ನೇಯ ವರ್ಷದಲ್ಲಿ ವೃತ ಸ್ವೀಕಾರ ಪಡೆದ ಮೇಲೆ ಜೈನ ಶ್ರಾವಕರೆಲ್ಲರೂ ಜನಿವಾರ ಧರಿಸುವುದು ಕಡ್ಡಾಯವಾಗಿದೆ. ಅದರಲ್ಲೂ ಭಗವಂತನ ಅಭಿಷೇಕಾದಿ ಜೈನ ಧಾರ್ಮಿಕ ಪೂಜಾ ಕಾರ್ಯಗಳಲ್ಲಿ ಜನಿವಾರ ಇರುವುದು ಕಡ್ಡಾಯವಾಗಿದೆ. ಹೀಗಿರುವಾಗ ರತ್ನತ್ರಯ ಸೂತ್ರ / ಜನಿವಾರ ಏನನ್ನು ಸೂಚಿಸುತ್ತದೆ ? ಜನಿವಾರದಲ್ಲಿ ಮೂರು ಪ್ರಧಾನ ಎಳೆಗಳು ಇರುತ್ತದೆ ಪ್ರತಿಯೂಂದು ಎಳೆಗಳಲ್ಲಿಯೂ ಒಂಬತ್ತು ನೂಲಿನ ಎಳೆಗಳಿರುತ್ತವೆ. ಹೀಗೆ ಮೂರು ಪ್ರಾಧಾನ ಎಳೆಗಳಲ್ಲಿ ಒಂಬತ್ತು ಎಳೆಗಳಂತೆ ಒಟ್ಟು ಇಪ್ಪತ್ತೇಳು ಎಳೆಗಳಿರುತ್ತವೆ. ಅವುಗಳನ್ನು ಒಂದು ಗುಂಪಿನಲ್ಲಿ ಜೋಡಿಸಲಾಗುತ್ತದೆ ಅದನ್ನು ಬ್ರಹ್ಮಗಂಟು ಎನ್ನುತ್ತಾರೆ. ಮೂರು ಪ್ರಧಾನ ಎಳೆಗಳು:- ಸಮ್ಯಖ್ ದರ್ಶನ, ಸಮ್ಮಖ್ ಜ್ಞಾನ, ಸಮ್ಯಖ್ ಚಾರಿತ್ರಗಳ ಸೂಚಕವಾಗಿದೆ. "ಸತ್ಯ, ಪ್ರಾಮಾಣಿಕತೆ ಮತ್ತು ಪರಿಶುದ್ಧತೆಗಳಿಂದ ಕೂಡಿದ ಸರಿಯಾದ ನಂಬಿಕೆ ಯೋಗ್ಯವಾದ ಜ್ಞಾನ ಯೋಗ್ಯವಾದ ಕರ್ಮ(ಕ್ರಿಯೆ) ಇವುಗಳನ್ನೇ ರತ್ನತ್ರಯಗಳೆಂದಿದ್ದಾರೆ. ಇದರ ಧೃಡ ನಿರ್ಧಾರ ಸೂಚಕವಾಗಿ ನಾವು ಮೂರು ಎಳೆ ಜನಿವಾರ ಧರಿಸುತ್ತೇವೆ. ಇದು ಸದಾ ರತ್ನತ್ರಯಗಳನ್ನು ಎಚ್ಚರಿಸುವ ಸಾಧನವೂ ಆಗಿದೆ. ಇನ್ನು ಆ ಪ್ರಧಾನ ಮೂರು ಎಳೆಗಳ ಪ್ರತಿಯೊಂದು ಎಳೆಗಳಲ್ಲಿಯೂ ತಲಾ ಒಂಬತ್ತರಂತೆ ಇಪ್ಪತ್ತೇಳು ಎಳೆಗಳನ್ನು ಒಳಗೊಂಡಿರುತ್ತದೆ. ಅದು ಜೈನ ಧರ್ಮದ ವಿಶಿಷ್ಟವಾದ ಇಪ್ಪತ್ತೇಳು ತತ್ವಗಳನ್ನು ಸೂಚಿಸುತ್ತದೆ. 27ತತ್ವಗಳು:- 9ದ್ರವ್ಯಗಳು+7ತತ್ವಗಳು+5ಪದಾರ್ಥಗಳು+5ಅಸ್ತಿಕಾಯಗಳು ಹೀಗೆ ಒಟ್ಟಾಗಿರುವ 27ತತ್ವಗಳನ್ನೇ ಜನಿವಾರದ ಎಳೆಗಳು ಸಂಕೇತಿಸುತ್ತವೆ. ಆ ಎಳೆಗಳನ್ನು ಒಂದು ಗಂಟುಗಳಿಂದ ಜೋಡಿಸಲಾಗುತ್ತದೆ ಬ್ರಹ್ಮ ಎಂದರೆ ಆತ್ಮ/ಜ್ಞಾನಗಳ ಧಾರಣೆ ಮಾಡಿ ಆ ಮೂಲಕ ಪವಿತ್ರವಾದ ಮುಕ್ತಿಯನ್ನು ಪ್ರಾಪ್ತಿ ಮಾಡಿಕೂಳ್ಳುತ್ತೇನೆ ಎಂಬುದರ ಸೂಚಕ ಜನಿವಾರದಲ್ಲಿದೆ. "ಆರು ದ್ರವ್ಯ:-ಜೀವ, ಅಜೀವ, ಧರ್ಮ, ಅಧರ್ಮ, ಆಕಾಶ ಮತ್ತು ಕಾಲ" ಏಳು ತತ್ವಗಳು:- ಜೀವ, ಅಜೀವ, ಅಸ್ರವ, ಬಂಧ, ಸಂವರ, ನಿರ್ಜರ ಮತ್ತು ಮೋಕ್ಷ". ಒಂಬತ್ತು ಪದಾರ್ಥಗಳು:-ಜೀವ, ಅಜೀವ, ಅಸ್ರವ, ಬಂಧ, ಸಂವರ, ನಿರ್ಜರ, ಮೋಕ್ಷ ಮತ್ತು ಪಾಪ-ಪುಣ್ಯಗಳು ಐದು ಅಸ್ತಿಕಾಯಗಳು:- ಜೀವ, ಪದ್ಗುಲ, ಧರ್ಮ, ಅಧರ್ಮ ಮತ್ತು ಆಕಾಶ "ಹೀಗೆ 27ತತ್ವ ಮತ್ತು ರತ್ನತ್ರಯಗಳನ್ನು ನಾವು ನಂಬಿ ತಿಳಿದು ಆಚರಿಸುತ್ತೇವೆ ಎಂಬುದರ ಸಂಕೇತವೇ ಜನಿವಾರ ಧಾರಣೆ." ಸ್ತ್ರಿಯರು ಜನಿವಾರವನ್ನು ವರ್ಷಕ್ಕೊಮ್ಮೆ ನೂಲು ಹುಣ್ಣಿಮೆಯ(ಶ್ರವಣ ಮಾಸದ ಹುಣ್ಣಿಮೆ) ದಿನ ಮಾತ್ರ ಧರಿಸುವ ಕ್ರಿಯೆ ಕೆಲವು ಕಡೆ ಇದೆ. ಆಗಾಗ್ಗೆ ಸೂತಕಾದಿ ಮೈಲಿಗೆಗೆ ಒಳಗಾಗುವುದರಿಂದ ಜನಿವಾರ ಅಪವಿತ್ರವಾಗುತ್ತದೆ ಎಂದು ಅದಕ್ಕೆ ತಮ್ಮ ಪತ್ನಿಯ ಬದಲಾಗಿ ಪತಿಯೇ ತಮ್ಮ ಮೂರು ಎಳೆ ಜನಿವಾರದೂಂದಿಗೆ ಇನ್ನೊಂದು ಮೂರು ಎಳೆಯ ಜನಿವಾರವನ್ನು ಧರಿಸುತ್ತಾರೆ. ಹಾಗಾಗೇ ಅವಿವಾಹಿತ ಮೂರು ಎಳೆ ವಿವಾಹಿತ ಅರು ಎಳೆಯ ಜನಿವಾರ ಧರಿಸುವ ರೂಡಿ ಇದೆ. "ಪ್ರತಿವರ್ಷ ಶ್ರವಣ ನಕ್ಷತ್ರವನ್ನೊಳಗೊಂಡ ಶ್ರಾವಣ ಮಾಸದ ಹುಣ್ಣಿಮೆಯ ಶ್ರವಣ ನಕ್ಷತ್ರದಲ್ಲಿ ಹೊಸ ಜನಿವಾರ ಧರಿಸುವ ಕ್ರಮವಿದೆ. ಹಾಗೆಯೇ ಸೂತಕಾದಿ ಇನ್ನಿತರ ಮೈಲಿಗೆಯಾದ ಸಂದರ್ಭದಲ್ಲಿ ಪರಿಶುದ್ಧರಾದ ಮೇಲೆ ಹೊಸ ಜನಿವಾರ ಧರಿಸಿದ ಹಳೆಯ ಜನಿವಾರ ತೆಗೆಯುವ ಕ್ರಮವಿದೆ. "ಜನಿವಾರ ದೇಹ ಶೃಂಗಾರಕ್ಕಾಗಿ ಅಲ್ಲ. ಮನಸ್ಸಿನಲ್ಲಿ ರತ್ನತ್ರಯ ಮತ್ತು 27ತತ್ವಗಳನ್ನು ಸದಾ ಜಾಗೃತಗೊಳಿಸಿ ಆತ್ಮ ಶೃಂಗಾರವನ್ನು ಪ್ರೇರಿಪಿಸುವ ಒಂದು ಧರ್ಮ ಸಾಧನವಾಗಿದೆ. ಅದನ್ನು ಸದಾ ಪವಿತ್ರತೆಯಿಂದ ಕಾಪಾಡಿಕೊಳ್ಳಬೇಕು. ಭಾರತೀಯ ಪುರಾಣಗಳಲ್ಲಿ ಅತ್ಯಂತ ಜನಪ್ರಿಯವಾದ ಕಥೆಯೆಂದರೆ ಶ್ರೀಕೃಷ್ಣ ಮತ್ತು ದ್ರೌಪದಿ. 'ಪಂಚ ಪಾಂಡವರ ಪತ್ನಿ'. ಕಥೆಯ ಪ್ರಕಾರ, ಮಕರ ಸಂಕ್ರಾಂತಿಯಂದು ಕಬ್ಬನ್ನು ಕತ್ತರಿಸುವಾಗ ಕೃಷ್ಣ ತನ್ನ ಕಿರುಬೆರಳನ್ನು ಕತ್ತರಿಸಿಕೊಂಡ. ರುಕ್ಮಿಣಿ ತಕ್ಷಣವೇ ಅದಕ್ಕೆ ಔಷಧ ತರಲು ಸಹಾಯಕರನ್ನು ಕಳುಹಿಸಿದಳು. ಅಷ್ಟರಲ್ಲಿ ಇಡೀ ಘಟನೆಯನ್ನು ವೀಕ್ಷಿಸುತ್ತಿದ್ದ ದ್ರೌಪದಿ ರಕ್ತಸ್ರಾವವನ್ನು ತಡೆಯಲು ಅವಳ ಸೀರೆಯನ್ನು ಸ್ವಲ್ಪ ಕತ್ತರಿಸಿ ಕೃಷ್ಣನ ಬೆರಳನ್ನು ಕಟ್ಟಿದಳು. ಪ್ರತಿಯಾಗಿ, ಅಗತ್ಯವಿದ್ದಾಗ ಅವಳಿಗೆ ಸಹಾಯ ಮಾಡುವುದಾಗಿ ಕೃಷ್ಣ ಭರವಸೆ ನೀಡಿದನು. ಇದಕ್ಕೆ ಅನುಗುಣವಾಗಿ ದ್ರೌಪದಿಯ ಅನಿಯಂತ್ರಿತ ವಸ್ತ್ರಾಪಹರಣದ ಸಮಯದಲ್ಲಿ ಕೃಷ್ಣನು ನೀಡಿದ ಸಹಾಯದ ಹಿಂದಿನ ಕಥೆಯೆಂದರೆ, ಕೃಷ್ಣನು ಬಂದು ಅವಳ ಸೀರೆಗೆ ಅಂತ್ಯವಿಲ್ಲದಂತೆ ಮಾಡಿದನು, ಅವಳಿಗೆ ಅತ್ಯಂತ ಅಗತ್ಯವಿದ್ದಾಗ ಅವಳ ರಕ್ಷಣೆಯನ್ನು ನೀಡುವ ಮೂಲಕ ಅವಳಿಗೆ ಆಗಬೇಕಿದ್ದ ಮುಜುಗರವನ್ನುಂಟು ತಡೆದನು. ಇನ್ನೊಂದು ಚಾರಿತ್ರಿಕ ಕಥೆಯ ಪ್ರಕಾರ, ಅಲೆಕ್ಸಾಂಡರ್ ದಿ ಗ್ರೇಟ್ ಭಾರತವನ್ನು 326 BC ಯಲ್ಲಿ ಆಕ್ರಮಣ ಮಾಡಿದಾಗ, ಅವನ ಪತ್ನಿ ರೊಕ್ಸಾನಾ ವಿರೋಧಿ ಬಣದ ನಾಯಕ ಪೋರಸ್‌ಗೆ ಪವಿತ್ರವಾದ ದಾರವನ್ನು ಕಳುಹಿಸಿದಳು ಮತ್ತು ಯುದ್ಧಭೂಮಿಯಲ್ಲಿ ತನ್ನ ಗಂಡನಿಗೆ ಹಾನಿಯಾಗದಂತೆ ಕೇಳಿಕೊಂಡಳು. ವಿನಂತಿಯನ್ನು ಗೌರವಿಸಿ, ಅವನು ಅಲೆಕ್ಸಾಂಡರ್ ಅನ್ನು ಎದುರಿಸಿದಾಗ, ಪೋರಸ್‌ ಅವನು ಅಲೆಕ್ಸಾಂಡರ್ ನನ್ನು ಕೊಲ್ಲಲು ನಿರಾಕರಿಸುತ್ತಾನೆ. ಅಂತಿಮವಾಗಿ, ಪೋರಸ್ ಹೈಡಸ್ಪೆಸ್ ನದಿಯ ಯುದ್ಧವನ್ನು ಕಳೆದುಕೊಳ್ಳುತ್ತಾನೆ ಆದರೆ ಅಲೆಕ್ಸಾಂಡರ್ ನನ್ನು ಗೌರವವನ್ನು ಪಡೆಯುತ್ತಾನೆ. ಹೀಗೆ ಈ ಹಬ್ಬವನ್ನು ಹಿಂದು ಮುಸ್ಲಿಂ ಕ್ರಿಶ್ಚಿಯನ್ ಭೇದ ಭಾವವಿಲ್ಲದೆ ಆಚರಣೆಯನ್ನು ಮಾಡುತ್ತಿದ್ದರು. ಭೇದ ಭಾವವಿಲ್ಲದೆ ಸಮಾಜದ ನಿರ್ಮಾಣ ಮಾಡುವ ಕೆಲಸದಲ್ಲಿ ರಾಷ್ಟ್ರೀಯ ಸ್ವಯಂ ಸಂಘವು ಕೂಡ ಹೌದು. ವ್ಯಕ್ತಿ ನಿರ್ಮಾಣದಿಂದ ರಾಷ್ಟ್ರ ನಿರ್ಮಾಣ ಇದು ಸಂಘದ ಚಾರಿತ್ರ್ಯ ನಿರ್ಮಾಣದ ಕೆಲಸದಲ್ಲಿ ಸಂಘದ ಪಾತ್ರ ಬಹುಮುಖ್ಯ ಪಾತ್ರವನ್ನು ವಹಿಸಿದೆ. ಹಾಗಾಗಿ ಇಲ್ಲಿ ಪುರುಷರು ರಾಕಿಯನ್ನು ಪುರುಷರಿಗೆ ಕಟ್ಟುವ ಪದ್ಧತಿಯುಂಟು, ಇದನ್ನು ಹಿಂದೂ ಧರ್ಮದ ಜಾಗೃತಿಯನ್ನು, ಭದ್ರತೆಯನ್ನು ಹಾಗೂ ಎಲ್ಲರಲ್ಲೂ ಪ್ರೀತಿ ವಿಶ್ವಾಸ ನಂಬಿಕೆಯನ್ನು ಉಂಟು ಮಾಡಲು ಪಣತೊಟ್ಟ ರಕ್ಷಾಬಂಧನವಾಗಿದೆ. ಹಿಂದುತ್ವದ ಕಿಚ್ಚನ್ನು ಬಡೆದೆಬ್ಬಿಸುವ, ಹೃದಯ ಹೃದಯಗಳ ಪ್ರೇಮ ಬೆಸೆಯುವ ಭಾರತ ವಿಶ್ವ ಗುರುವನ್ನಾಗಿಸುವುದು ಅದನ್ನು ನನಸಾಗುವ ನಿರೀಕ್ಷೆಯನ್ನು ಹೊಂದಿ ಕೇಸರಿಯ ಶ್ರೀ ರಕ್ಷಣೆ ಮತ್ತು ಅನಾವರತ ತೊಡುವ ದೇಶ ರಕ್ಷಣೆಯನ್ನು ಮಾಡೋಣ ಎಲ್ಲರಿಗೂ ರಕ್ಷಾಬಂಧನದ ಶುಭಾಶಯಗಳು. ಪೌರಾಣಿಕ ಹಿನ್ನೆಲೆ: ರಕ್ಷಾಬಂಧನದ ಹಿನ್ನೆಲೆಯನ್ನು ಹುಡುಕುತ್ತಾ ಹೋದಾಗ ಹಲವು ಸ್ವಾರಸ್ಯಕರ ಪೌರಾಣಿಕ ಪ್ರಸಂಗಗಳು ಎದುರಾಗುತ್ತವೆ. ಜನಪ್ರಿಯ ಕಥನದ ಪ್ರಕಾರ, ಶ್ರೀಕೃಷ್ಣನ ಬೆರಳಿಗೆ ಗಾಯವಾದಾಗ ದ್ರೌಪದಿ ತನ್ನ ಸೀರೆಯ ಅಂಚನ್ನು ಹರಿದು ಅವರ ಬೆರಳಿಗೆ ಕಟ್ಟುತ್ತಾಳೆ. ಮುಂದೆ ದ್ರೌಪದಿಗೆ ಸಂಕಷ್ಟ ಎದುರಾದಾಗ ಕೃಷ್ಣನು ಆಕೆಯ ರಕ್ಷಣೆಗೆ ನಿಂತ ಪ್ರಸಂಗವನ್ನು ರಕ್ಷಾಬಂಧನದ ಭಾವನೆಗೆ ಸಂಬಂಧಿಸಿ ನೋಡಲಾಗುತ್ತದೆ. ಅದೇ ರೀತಿ, ದೇವಾಸುರ ಸಂಗ್ರಾಮದ ಸಂದರ್ಭದಲ್ಲಿ ಇಂದ್ರಾಣಿಯು (ಶಚಿದೇವಿ) ಇಂದ್ರನಿಗೆ ರಕ್ಷಾಸೂತ್ರ ಕಟ್ಟಿದ ಕಥೆಯೂ ಪೌರಾಣಿಕ ಪರಂಪರೆಯಲ್ಲಿ ಉಲ್ಲೇಖವಾಗುತ್ತದೆ. ಯಮ-ಯಮುನೆಯರ ಬಾಂಧವ್ಯದ ಕಥೆ ಹಾಗೂ ಬಲಿ ಚಕ್ರವರ್ತಿಗೆ ಲಕ್ಷ್ಮೀದೇವಿಯು ರಕ್ಷಾಬಂಧನ ಮಾಡಿ ವಿಷ್ಣುವನ್ನು ಮರಳಿ ಪಡೆದ ಪ್ರಸಂಗವೂ ಈ ಹಬ್ಬದೊಂದಿಗೆ ಸಂಬಂಧಿಸಿ ಹೇಳಲಾಗುತ್ತದೆ. ಈ ಕಥನಗಳ ಐತಿಹಾಸಿಕತೆಯ ಕುರಿತು ವಿಭಿನ್ನ ಅಭಿಪ್ರಾಯಗಳಿದ್ದರೂ, ಅವುಗಳಲ್ಲಿ ವ್ಯಕ್ತವಾಗುವ ರಕ್ಷಣೆ, ಪ್ರೀತಿ, ಕರ್ತವ್ಯ ಮತ್ತು ಬಾಂಧವ್ಯದ ಮೌಲ್ಯಗಳು ರಕ್ಷಾಬಂಧನದ ಸಾಂಸ್ಕೃತಿಕ ಅರ್ಥವನ್ನು ಗಾಢಗೊಳಿಸಿವೆ. ಸಾಮಾಜಿಕ ಮತ್ತು ಐತಿಹಾಸಿಕ ಆಯಾಮ: ರಕ್ಷಾಬಂಧನವು ಕೇವಲ ಕುಟುಂಬದ ಆಚರಣೆಯಾಗಿರದೆ, ಕಾಲಕ್ರಮೇಣ ಸಾಮಾಜಿಕ ಏಕತೆ ಮತ್ತು ಪರಸ್ಪರ ಬಾಂಧವ್ಯದ ಸಂಕೇತವಾಗಿಯೂ ರೂಪುಗೊಂಡಿದೆ. 1905ರ ಬಂಗಾಳ ವಿಭಜನೆಯ ಸಂದರ್ಭದಲ್ಲಿ ರವೀಂದ್ರನಾಥ ಠಾಕೂರರು ಹಿಂದೂ-ಮುಸ್ಲಿಂ ಐಕ್ಯತೆಯ ಸಂದೇಶವನ್ನು ಸಾರಲು ರಕ್ಷಾಸೂತ್ರ ಕಟ್ಟುವ ಆಚರಣೆಗೆ ಪ್ರೋತ್ಸಾಹ ನೀಡಿದರು. ವಿಭಜನೆಯ ವಿರುದ್ಧ ಜನರಲ್ಲಿ ಒಗ್ಗಟ್ಟಿನ ಭಾವನೆ ಮೂಡಿಸುವ ಪ್ರಯತ್ನವಾಗಿ ಈ ಆಚರಣೆಯನ್ನು ಬಳಸಿಕೊಂಡದ್ದು, ರಕ್ಷಾಬಂಧನದ ಸಾಮಾಜಿಕ ವ್ಯಾಪ್ತಿಯನ್ನು ತೋರಿಸುವ ಪ್ರಮುಖ ಉದಾಹರಣೆಯಾಗಿದೆ. ಉತ್ತರ ಭಾರತವು ಇತಿಹಾಸದ ವಿವಿಧ ಹಂತಗಳಲ್ಲಿ ವಿದೇಶಿ ಆಕ್ರಮಣಗಳಿಗೆ ಒಳಗಾದ ಹಿನ್ನೆಲೆಯಲ್ಲಿ, ಮಹಿಳೆಯರ ಸುರಕ್ಷತೆ ಮತ್ತು ಸಾಮಾಜಿಕ ರಕ್ಷಣೆಯ ಸಂಕೇತವಾಗಿ ಸಹೋದರತ್ವದ ಬಾಂಧವ್ಯವನ್ನು ಬಲಪಡಿಸುವ ಆಚರಣೆಗಳು ಬೆಳೆಯಲು ಕಾರಣವಾಗಿರಬಹುದು. ರಾಜಪೂತ ಮತ್ತು ಮರಾಠಾ ಸಂಸ್ಥಾನಗಳಲ್ಲಿಯೂ ರಕ್ಷಾಬಂಧನಕ್ಕೆ ಸಾಮಾಜಿಕ ಹಾಗೂ ರಾಜಕೀಯ ಮಹತ್ವವಿದ್ದುದಾಗಿ ವಿವಿಧ ಐತಿಹಾಸಿಕ ಕಥನಗಳು ಸೂಚಿಸುತ್ತವೆ. ದಕ್ಷಿಣ ಭಾರತದ ವಿಭಿನ್ನ ಆಚರಣೆಗಳು: ರಕ್ಷಾಬಂಧನದ ಆಚರಣೆ ಭಾರತದ ಎಲ್ಲ ಪ್ರದೇಶಗಳಲ್ಲೂ ಒಂದೇ ರೀತಿಯಲ್ಲಿಲ್ಲ. ದಕ್ಷಿಣ ಭಾರತದಲ್ಲಿ ಸಹೋದರ-ಸಹೋದರಿಯರ ಬಾಂಧವ್ಯವನ್ನು ಪ್ರತಿಬಿಂಬಿಸುವ ಹಲವು ಸ್ಥಳೀಯ ಆಚರಣೆಗಳು ಈಗಾಗಲೇ ಪ್ರಚಲಿತದಲ್ಲಿವೆ. ಕರ್ನಾಟಕದ ಕೆಲವು ಭಾಗಗಳಲ್ಲಿ ನಾಗರಚೌತಿ-ಪಂಚಮಿಯ ಸಂದರ್ಭದಲ್ಲಿ ನಡೆಯುವ ‘ಅಕ್ಕನ-ತದಿಗೆ’ಯಲ್ಲಿ ಸಹೋದರನು ಸಹೋದರಿಯ ಮನೆಗೆ ತೆರಳಿ ಔತಣ ಸ್ವೀಕರಿಸುವ ಸಂಪ್ರದಾಯವಿದೆ. ಕಾರ್ತಿಕ ಮಾಸದ ದೀಪಾವಳಿ ಸಂದರ್ಭದಲ್ಲಿ ಬಲಿಪಾಡ್ಯದ ಮರುದಿನ ಆಚರಿಸಲಾಗುವ ‘ಭಾವನ ಬಿದಿಗೆ’ಯೂ ಸಹೋದರ-ಸಹೋದರಿಯರ ಬಾಂಧವ್ಯಕ್ಕೆ ಸಂಬಂಧಿಸಿದ ಮತ್ತೊಂದು ಆಚರಣೆಯಾಗಿದೆ. ಇಂತಹ ಸ್ಥಳೀಯ ಹಬ್ಬಗಳು ಮತ್ತು ಆಚರಣೆಗಳ ಪ್ರಾಬಲ್ಯದಿಂದಾಗಿ ರಕ್ಷಾಬಂಧನದ ಆಚರಣೆ ದಕ್ಷಿಣ ಭಾರತದಲ್ಲಿ ಉತ್ತರ ಭಾರತದಷ್ಟೊಂದು ವ್ಯಾಪಕವಾಗಿಲ್ಲ. ಶ್ರಾವಣ ಪೂರ್ಣಿಮೆಯಂದು ನಡೆಯುವ ‘ಉಪಾಕರ್ಮ’ ಅಥವಾ ‘ನೂಲಹುಣ್ಣಿಮೆ’ಗೂ ದಕ್ಷಿಣ ಭಾರತದಲ್ಲಿ ವಿಶೇಷ ಧಾರ್ಮಿಕ ಮಹತ್ವವಿದೆ. ಸಂಘಟನೆಗಳ ಆಚರಣೆ: ರಾಷ್ಟ್ರೀಯ ಸ್ವಯಂಸೇವಕ ಸಂಘ (RSS) ತನ್ನ ಪ್ರಮುಖ ಉತ್ಸವಗಳಲ್ಲಿ ರಕ್ಷಾಬಂಧನವನ್ನು ಸೇರಿಸಿಕೊಂಡು ಆಚರಿಸುತ್ತ ಬಂದಿದೆ. ಸ್ವಯಂಸೇವಕರು ಭಗವಾಧ್ವಜಕ್ಕೆ ರಕ್ಷಾಸೂತ್ರ ಅರ್ಪಿಸಿ, ನಂತರ ಪರಸ್ಪರ ರಾಖಿ ಕಟ್ಟಿಕೊಳ್ಳುವ ಮೂಲಕ ಸಾಮಾಜಿಕ ಸಾಮರಸ್ಯ, ರಾಷ್ಟ್ರನಿಷ್ಠೆ ಮತ್ತು ಭ್ರಾತೃತ್ವದ ಸಂಕಲ್ಪವನ್ನು ವ್ಯಕ್ತಪಡಿಸುತ್ತಾರೆ. ‘ಹಿಂದೂ ಸಮಾಜ ಒಂದೇ ಕುಟುಂಬ’ ಎಂಬ ಭಾವನೆಯನ್ನು ಬಲಪಡಿಸುವುದು ಈ ಆಚರಣೆಯ ಉದ್ದೇಶಗಳಲ್ಲಿ ಒಂದಾಗಿದೆ. ಹಿಂದೂ ಜಾಗರಣ ವೇದಿಕೆ, ಭಜರಂಗದ

ದಶಲಕ್ಷಣ ಮಹಾಪರ್ವ ಆಚರಣೆ

ಹುಬ್ಬಳ್ಳಿ: ಅಲ್ಪ ಸಂಖ್ಯಾತ ಜೈನ ಸೇವಾ ಸಂಘ, ನವನಗರ ಶ್ರೀ ಬಹುರೂಪಿಣಿ ಮಹಿಳಾ ಮಂಡಳ ನವನಗರ ಹಾಗೂ ಜೈನ ಸಂಸ್ಕೃತಿ ಮತ್ತು ಸಾಹಿತ್ಯ ಟ್ರಸ್ಟ್, ಹುಬ್ಬಳ್ಳಿ-ಧಾರವಾಡ ಇವುಗಳ ಸಂಯುಕ್ತ ಆಶ್ರಯದಲ್ಲಿ ದಶಲಕ್ಷಣ ಮಹಾಪರ್ವ ಆಚರಣೆಯು ದಿನಾಂಕ 16-09-2026 ರಿಂದ 26-9-2026 ರ ವರೆಗೆ ಪ್ರತಿದಿನ ಸಂಜೆ 6.00 ಗಂಟೆಗೆ ನವಗ್ರಹ ಸಭಾ ಭವನ, ಭ. ಮುನಿಸುವೃತ ಜೈನ ಮಂದಿರ, ಮಹಾವೀರ ಸರ್ಕಲ್‌, ಪಂಚಾಕ್ಷರಿ ನಗರ, ನವನಗರ, ಹುಬ್ಬಳ್ಳಿ ಇಲ್ಲಿ ನಡೆಯಲಿದೆ.

ಅಥಣಿಯಲ್ಲಿ ಭವ್ಯ ಶಾಂತಿ ಕಳಸ ರಥಯಾತ್ರೆಗೆ ನಾಂದಣಿ ಭಟ್ಟಾರಕರಿಂದ ಚಾಲನೆ

ಬೆಳಗಾವಿ: ದಿಗಂಬರ ಜೈನ ಪರಂಪರೆಯ ಪುನರುಜ್ಜೀವಕ, 20ನೇ ಶತಮಾನದ ಪ್ರಥಮಾಚಾರ್ಯ ಪ.ಪೂ. ಚಾರಿತ್ರ ಚಕ್ರವರ್ತಿ ಆಚಾರ್ಯ 108 ಶ್ರೀ ಶಾಂತಿಸಾಗರ ಮಹಾರಾಜರ 71ನೇ ಪುಣ್ಯತಿಥಿ ಮಹೋತ್ಸವದ ಅಂಗವಾಗಿ ಆಯೋಜಿಸಿರುವ ಭವ್ಯ ಶಾಂತಿ ಕಳಸ ರಥಯಾತ್ರೆಗೆ ಅಥಣಿ ನಗರದ ಶ್ರೀ ಶಿವಯೋಗಿ (ಹಲ್ಯಾಳ) ಸರ್ಕಲ್ ನಲ್ಲಿ ನಾಂದಣಿ ಸಂಸ್ಥಾನ ಮಠದ ಪ.ಪೂ. ಜಗದ್ಗುರು ಸ್ವಸ್ತಿಶ್ರೀ ಜಿನಸೇನ ಭಟ್ಟಾರಕ ಪಟ್ಟಾಚಾರ್ಯ ಮಹಾಸ್ವಾಮೀಜಿಗಳವರು, ವಿಧಿವತ್ತಾಗಿ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಆಶೀರ್ವಚನ ನೀಡಿದ ಸ್ವಾಮೀಜಿಯವರು, "ಆಚಾರ್ಯ ಶಾಂತಿಸಾಗರರು ಕೇವಲ ಒಬ್ಬ ಮುನಿಯಲ್ಲ, ಒಂದು ಯುಗ. ಅವರು ತೋರಿದ ತ್ಯಾಗ, ಸಂಯಮದ ಹಾದಿಯಲ್ಲೇ ಇಂದಿನ ಸಮಾಜಕ್ಕೆ ಶಾಂತಿ ಇದೆ. ಈ ಶಾಂತಿ ಕಳಸ ರಥವು ಕೇವಲ ರಥವಲ್ಲ, ಅದು ಶಾಂತಿ, ಕರುಣೆ ಮತ್ತು ಅಹಿಂಸೆಯ ಸಂದೇಶವನ್ನು ಮನೆ ಮನೆಗೆ ತಲುಪಿಸುವ ಸಂಕಲ್ಪ. ಅಥಣಿಯ ಶ್ರಾವಕರ ಭಕ್ತಿ ಅತ್ಯಂತ ಶ್ಲಾಘನೀಯ" ಎಂದು ನುಡಿದರು. ಶಾಂತಿ ಕಲಶದ ಸವಾಲವನ್ನು ಜಿನನಗೌಡ ಪಾಟೀಲ್, ಮತ್ತು ಭಾರಮೂ ಪಾಟೀಲ ದಮಾತಿಗಳು ಪಡೆದಿದ್ದರು. ಕಾರ್ಯಕ್ರಮದಲ್ಲಿ ನಿವೃತ್ತ ಇಂಜಿನೀಯರ್ ಅರುಣ ಯಲಗುದ್ರಿ, ಸಾತಗೌಡ ಅಥಣಿ, ನಾಗರಾಜ್ ಘೋಂಗಡಿ, ಪ್ರಫುಲ್ ಪಡನಾಡ, ರಾಜು ಕರ್ಪೂರಶೆಟ್ಟಿ, ಅಶೋಕ ಪಡನಾಡ, ಪ್ರಶಾಂತ ಇಜಾರೆ, ಮಹಾವೀರ ಜಕನೂರ, ಸಂತೋಷ ಬೊಮ್ಮಣ್ಣವರ, ನಿತಿನ ಘೊಂಗಡಿ, ಚಕ್ರವರ್ತಿ ಕಿನಿಂಗೆ ಸೇರಿದಂತೆ ಶ್ರಾವಕ-ಶ್ರಾವಕಿಯರು ಭಾಗವಹಿಸಿದ್ದರು. ಆಚಾರ್ಯ ಶ್ರೀ ಶಾಂತಿಸಾಗರ ಮಹಾರಾಜರ ಕುರಿತು: ಆಚಾರ್ಯ ಶ್ರೀ ಶಾಂತಿಸಾಗರ ಮಹಾರಾಜರು 1872ರಲ್ಲಿ ಬೆಳಗಾವಿ ಜಿಲ್ಲೆಯ ಭೋಜ ಗ್ರಾಮದಲ್ಲಿ ಜನಿಸಿದರು. ಸುಮಾರು 700 ವರ್ಷಗಳ ಕಾಲ ನಿಂತು ಹೋಗಿದ್ದ ದಿಗಂಬರ ಮುನಿ ಪರಂಪರೆಯನ್ನು 20ನೇ ಶತಮಾನದಲ್ಲಿ ಪುನಃ ಆರಂಭಿಸಿದ ಕೀರ್ತಿ ಇವರಿಗೆ ಸಲ್ಲುತ್ತದೆ. ಅಹಿಂಸೆ, ಅಪರಿಗ್ರಹ ಮತ್ತು ಅನೇಕಾಂತವಾದದ ತತ್ವಗಳನ್ನು ತಮ್ಮ ಕಟ್ಟುನಿಟ್ಟಿನ ತಪಸ್ಸಿನ ಮೂಲಕ ಜಗತ್ತಿಗೆ ಸಾರಿದ ಇವರು, 18-09-1955 ರಂದು ಮಹಾರಾಷ್ಟ್ರದ ಕುಂಥಲಗಿರಿಯಲ್ಲಿ ಸಲ್ಲೇಖನ ವ್ರತದ ಮೂಲಕ ಸಮಾಧಿ ಹೊಂದಿದರು. ಇವರ ಪುಣ್ಯತಿಥಿ ಮಹೋತ್ಸವವು ದಿ.13-09-2026 ರಂದು ನಾಂದಣಿಯಲ್ಲಿ ನಡೆಯಲಿದೆ.

ಎಕ್ಸಲೆಂಟ್: ಹಿಂದಿ ಉತ್ಸವ ಕಾರ್ಯಕ್ರಮ

ಮೂಡುಬಿದಿರೆ: ಭಾಷೆ ಮನುಷ್ಯನ ಭಾವನೆಗಳಿಗೆ ಧ್ವನಿ ನೀಡುವ ಸಾಧನ ಮಾತ್ರವಲ್ಲ; ಅದು ಹೃದಯದಿಂದ ಹೃದಯಕ್ಕೆ ಸಾಗುವ ಸೇತುವೆ. ವೈವಿಧ್ಯಮಯ ಸಂಸ್ಕೃತಿ, ಆಚಾರ-ವಿಚಾರ ಹಾಗೂ ಭಾಷೆಗಳ ನಡುವೆ ಸೌಹಾರ್ದದ ಕೊಂಡಿಯಾಗಿ ಹಿಂದಿ ಭಾಷೆ ಮಹತ್ತರ ಪಾತ್ರ ವಹಿಸುತ್ತಿದೆ ಎಂದು ಸಂಪನ್ಮೂಲ ವ್ಯಕ್ತಿ ಉಜಿರೆ ಎಸ್‌ಡಿಎಮ್ ಕಾಲೇಜಿನ ಹಿಂದಿ ಉಪನ್ಯಾಸಕಿ ಪ್ಲೇವಿಯಾ ಪಾಲ್ ಹೇಳಿದರು. ಎಕ್ಸಲೆಂಟ್ ಶಿಕ್ಷಣ ಸಂಸ್ಥೆಯಲ್ಲಿ ನಡೆದ ಹಿಂದಿ ಉತ್ಸವ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಭಾರತದಲ್ಲಿ ಮಾತ್ರವಲ್ಲದೇ ವಿದೇಶಗಳಲ್ಲಿಯೂ ಹಿಂದಿ ಭಾಷೆ ತನ್ನದೇ ಆದ ಪ್ರಭಾವ ಮತ್ತು ಮಹತ್ವವನ್ನು ಹೊಂದಿದೆ. ಜಾಗತೀಕರಣದ ಸಂದರ್ಭದಲ್ಲಿ ಹಿಂದಿ ಭಾಷೆ ಜಗತ್ತಿನ ವಿವಿಧ ಭಾಗಗಳಲ್ಲಿ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಿಕೊಳ್ಳುತ್ತಿರುವುದು ಹೆಮ್ಮೆಯ ಸಂಗತಿ ಎಂದರು. ಹಿಂದಿ ಸಾಹಿತ್ಯದ ಶ್ರೀಮಂತಿಕೆಯನ್ನು ಪ್ರಸ್ತಾಪಿಸಿದ ಅವರು, ಸಂತ ಕಬೀರ ಹಾಗೂ ಗೋಸ್ವಾಮಿ ತುಳಸಿದಾಸರ ದೋಹೆಗಳು ಕೇವಲ ಕಾವ್ಯಸಾಲುಗಳಲ್ಲ; ಅವು ಬದುಕಿನ ಸತ್ಯ, ಮಾನವೀಯ ಮೌಲ್ಯ, ನೀತಿ ಮತ್ತು ಆತ್ಮ ಜಾಗೃತಿಯ ಸಂದೇಶಗಳನ್ನು ಒಳಗೊಂಡ ಜೀವನದರ್ಶನಗಳಾಗಿವೆ. ಸರಳ ಪದಗಳಲ್ಲಿ ಆಳವಾದ ಅರ್ಥವನ್ನು ಕಟ್ಟಿಕೊಡುವ ಈ ದೋಹೆಗಳು ಇಂದಿನ ಯುವಜನತೆಯ ಬದುಕಿಗೂ ದಾರಿದೀಪವಾಗಬಲ್ಲವು ಎಂದು ತಿಳಿಸಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಸಂಸ್ಥೆಯ ಕಾರ್ಯದರ್ಶಿ ರಶ್ಮಿತಾ ಜೈನ್ ಅಂಚೆ ತಂತಿ ಮತ್ತು ಬ್ಯಾಂಕುಗಳಲ್ಲಿ ರಕ್ಷಣಾ ಸೇವೆಗಳಲ್ಲಿ ಹಿಂದಿ ಭಾಷೆ ಅನಿವಾರ್ಯ ಹಾಗೂ ಅಗತ್ಯ. ಅದು ಮನವನ್ನು ಮುಟ್ಟುವ ಭಾಷೆ ಎಂದರು. ಎಕ್ಸಲೆಂಟ್ ಕಾಲೇಜಿನ ಹಿಂದಿ ಉಪನ್ಯಾಸಕಿ ದಿವ್ಯಲಕ್ಷ್ಮೀ ರೈ ಅತಿಥಿ ಪರಿಚಯ ಹಾಗೂ ಪ್ರಾಸ್ತವಿಕ ನುಡಿಗಳ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಉಪಪ್ರಾಂಶುಪಾಲ ಸುನದ್ ರಾಜ್ ಜೈನ್, ಮುಖ್ಯೋಪಾಧ್ಯಾಯ ಶಿವಪ್ರಸಾದ್ ಭಟ್ ಹಾಗೂ ಶುಭ ಉಪಸ್ಥಿತರಿದ್ದು ಕಾರ್ಯಕ್ರಮಕ್ಕೆ ಶುಭ ಹಾರೈಸಿದರು. ಕಾರ್ಯಕ್ರಮದ ವಿಶೇಷ ಆಕರ್ಷಣೆಯಾಗಿ ವಿದ್ಯಾರ್ಥಿಗಳು ಕವ್ವಾಲಿ, ಹಿಂದಿ ಗೀತೆ, ಗಜಲ್ ಹಾಗೂ ಮನಮೋಹಕ ಹಿಂದಿ ನೃತ್ಯಗಳನ್ನು ಪ್ರಸ್ತುತಪಡಿಸಿದರು. ಸಂಗೀತ, ಸಾಹಿತ್ಯ ಮತ್ತು ನೃತ್ಯದ ಸಮ್ಮಿಲನದ ಮೂಲಕ ವಿದ್ಯಾರ್ಥಿಗಳು ಹಿಂದಿ ಭಾಷೆಯ ವೈವಿಧ್ಯಮಯ ಸೌಂದರ್ಯವನ್ನು ಅನಾವರಣಗೊಳಿಸಿದರು. ಅವರ ಕಲಾತ್ಮಕ ಪ್ರದರ್ಶನಕ್ಕೆ ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಯಿತು. ಹಿತಾರ್ಥ್ ಕಡಬ ಕಾರ್ಯಕ್ರಮ ನಿರೂಪಿಸಿದರು. ಕೀರ್ತನ್ ಕುಮಾರ್ ಸ್ವಾಗತಿಸಿದರು. ಅನುಷಾ ವಂದನಾರ್ಪಣೆ ಸಲ್ಲಿಸಿದರು. ಹಿಂದಿ ಅಧ್ಯಾಪಕರಾದ ಸೌಮ್ಯ ಹಾಗೂ ರಮ್ಯ ಉಪಸ್ಥಿತರಿದ್ದರು.

ನೆಲ್ಲಿಕಾರು: ಪೂಜಾ ಕಾರ್ಯಕ್ರಮ

ಅತಿಶಯ ಶ್ರೀ ಕ್ಷೇತ್ರ ನೆಲ್ಲಿಕಾರು ಭಗವಾನ್ ಶ್ರೀ ಅನಂತನಾಥ ಸ್ವಾಮಿ ಮತ್ತು ಬ್ರಹ್ಮಯಕ್ಷ ದೇವರ ಸನ್ನಿಧಿಯಲ್ಲಿ ಶ್ರಾವಣ ಮಾಸದ, ಗುರುವಾರದ ವಿಶೇಷ ಪೂಜೆಯ ಪ್ರಯುಕ್ತ ಲಕ್ಷ ಹೂವಿನ ಪೂಜೆ ಮತ್ತು ಆರಾಧನೆಯು ದಿನಾಂಕ 3-09-2026 ಸಮಯ ಮಧ್ಯಾಹ್ನ: 12.00 ಗಂಟೆಗೆ ಜರುಗಲಿದೆ.

ಸ್ವ। ಶ್ಯಾಮಲಾದೇವಿ ಸ್ಮರಣಾರ್ಥ ಜೈನ ವಿದ್ಯಾರ್ಥಿ ವೇತನ

ಮಹಾವೀರ ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿಯು ಪ್ರತಿವರ್ಷದಂತೆ ಈ ಸಾಲಿನಲ್ಲೂ ಅರ್ಹ ಜೈನ ವಿದ್ಯಾರ್ಥಿಗಳಿಂದ ವಿದ್ಯಾರ್ಥಿ ವೇತನಕ್ಕಾಗಿ ಅರ್ಜಿಗಳನ್ನು ಆಹ್ವಾನಿಸಿದೆ. ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ 'ಪ್ರತಿಭಾ ಪುರಸ್ಕಾರ' ಮತ್ತು ಆರ್ಥಿಕವಾಗಿ ಹಿಂದುಳಿದವರಿಗೆ 'ವಿಶೇಷ ವಿದ್ಯಾರ್ಥಿ ವೇತನ' ನೀಡಲಾಗುವುದು. ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಯ ಖಾಯಂ ನಿವಾಸಿಗಳಾಗಿರಬೇಕು. ಪ್ರಸ್ತುತ ಪಿ.ಯು.ಸಿ, ಡಿಪ್ಲೋಮ, ಪದವಿ, ಸ್ನಾತಕೋತ್ತರ ಅಥವಾ ಉನ್ನತ ಶಿಕ್ಷಣದಲ್ಲಿ ವಿದ್ಯಾಭ್ಯಾಸ ಮಾಡುತ್ತಿರಬೇಕು. ಅರ್ಜಿ ಜೊತೆಗೆ ಶೈಕ್ಷಣಿಕ ದಾಖಲೆಗಳ ಪ್ರತಿಗಳು, ಮೊಬೈಲ್ ಸಂಖ್ಯೆ, ಇ- ಮೇಲ್, ಅರ್ಜಿದಾರರ ಭಾವಚಿತ್ರ ಲಗತ್ತಿಸಬೇಕು. ಅರ್ಜಿ ಸಲ್ಲಿಸುವ ವಿಧಾನ: ಭರ್ತಿ ಮಾಡಿದ ಅರ್ಜಿಯನ್ನು mccs.schlr@gmail.com ಗೆ ಇ-ಮೇಲ್ ಮಾಡಿ ಅಥವಾ ಸಮೀಪದ ನಮ್ಮ ಶಾಖೆಗೆ ಸಲ್ಲಿಸಿ. ಅಂತಿಮ ದಿನಾಂಕ: 07/09/2026. ಆಯ್ಕೆಯಾದ ವಿದ್ಯಾರ್ಥಿಗಳ ಪಟ್ಟಿಯನ್ನು 10/09/2026 ರಂದು ಸಂಜೆ 4:00 on www.mahaveerasociety.com ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗುವುದು. ವಿದ್ಯಾರ್ಥಿ ವೇತನ ವಿತರಣಾ ಸಮಾರಂಭ: ದಿನಾಂಕ: 13-09-2026 ಸಮಯ: ಬೆಳಿಗ್ಗೆ 10:30 ಗಂಟೆಗೆ ಸ್ಥಳ: 'ತಕ್ಷಿಲ', ಬಲ್ಲಾಳ್‌ ಭಾಗ್, ಮಂಗಳೂರು. ವಿದ್ಯಾರ್ಥಿವೇತನ ವಿತರಣಾ ಕಾರ್ಯಕ್ರಮದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮ, ಭಜನೆ, ಹಾಡು ಇತ್ಯಾದಿಗಳಲ್ಲಿ ಭಾಗವಹಿಸಲು ಇಚ್ಛಿಸುವ ವಿದ್ಯಾರ್ಥಿಗಳು ನಿಮ್ಮ ವಿದ್ಯಾರ್ಥಿವೇತನ ಅರ್ಜಿಯಲ್ಲಿ ನಮೂದಿಸಬೇಕು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಜೈನ್ ದಿಗಂಬರ ವಧು-ವರರ ಸಮಾವೇಶ

ಉಡುಪಿ ಜಿಲ್ಲೆಯ ಕಾರ್ಕಳದಲ್ಲಿ ಪ್ರಪ್ರಥಮ ಬಾರಿಗೆ ಜೈನ ದಿಗಂಬರ ವಧು ವರರ ಸಮಾವೇಶವು ಶ್ರೀ ಬಾಹುಬಲಿ ಪ್ರವಚನ ಮಂದಿರದಲ್ಲಿ ಸೆ.6 ರಂದು ನಡೆಯಲಿದೆ. ನೋಂದಣಿ ಶುಲ್ಕ: 1,000. ನೋಂದಣಿ ಮಾಡುವವರಿಗೆ ಸಿಗುವ ಸೌಲಭ್ಯಗಳು: * ಕಾರ್ಕಳ ರಾಜ್ಯಮಟ್ಟದ ಎರಡನೇ ಸಮಾವೇಶಕ್ಕೆ ಉಚಿತ ಪ್ರವೇಶ ತಕ್ಷಣ PDF ಪ್ರೊಫೈಲ್‌ಗಳ ವಿತರಣೆ * ವಾಟ್ಸಾಪ್ ಗ್ರೂಪ್ ಸೇರ್ಪಡೆ * ಒಂದು ವರ್ಷದ ಸೇವೆ ಮತ್ತು ಅಗತ್ಯ ಮಾಹಿತಿ ಲಭ್ಯ. ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: ಸಂಪತ್‌ ಜೈನ್ ಎಡಿಟ‌ರ್ ಚಿಗುರು ಪತ್ರಿಕೆ 9902782588, 7483902931

ಕಾರ್ಕಳ: ದಶಲಕ್ಷಣ ಪರ್ವ

ಶ್ರೀ ಬಾಹುಬಲಿ ಶ್ರಾವಿಕಾಶ್ರಮದಲ್ಲಿ ದಶಲಕ್ಷಣ ಪರ್ವವು ಶ್ರೀ ಜೈನಮಠದ ರಾಜಗುರು “ಧ್ಯಾನಯೋಗಿ” ಪರಮ ಪೂಜ್ಯ ಸ್ವಸ್ತಿಶ್ರೀ ಲಲಿತಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯವರ್ಯ ಮಹಾಸ್ವಾಮೀಜಿಗಳವರ ಸಾನ್ನಿಧ್ಯದಲ್ಲಿ ದಿನಾಂಕ 16-9-2026 ರಿಂದ 26-9-2026ರವರೆಗೆ ಜರಗಲಿರುವುದು ಹಾಗೂ ಧಾರ್ಮಿಕ ಪಾಠ ಸ್ಪರ್ಧಾ ವಿಜೇತರಿಗೆ ಪ್ರಮಾಣ ಪತ್ರ ನೀಡಿ ಆಶೀರ್ವಚನ ನೀಡಲಿರುವರು. ಭರತ್ ರಾಜ್ ಜೈನ್ ಮೂಡಾರು ಧಾರ್ಮಿಕ ಚಿಂತಕರು ಇವರು ದಿನಾಂಕ 26-09-2026ನೇ ಶನಿವಾರ ಅಪರಾಹ್ನ ಗಂಟೆ-3.00ಕ್ಕೆ ಪರಮಪೂಜ್ಯ ಜರದ್ಗುರು ಕರ್ಮಯೋಗಿ ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಮಹಾಸ್ವಾಮೀಜಿ ಶ್ರೀ ಜೈನ ಮಠ, ಶ್ರವಣಬೆಳಗೊಳ “ದತ್ತಿನಿಧಿ ಪ್ರಶಸ್ತಿ” ಪ್ರದಾನ ಮಾಡಿ, ಉಪನ್ಯಾಸ ನೀಡಲಿರುವರು. ಪ್ರತಿದಿವಸ ಸಾಯಂಕಾಲ ಗಂಟೆ 6-30ರಿಂದ ಪೂಜೆ, ಭಜನೆ, ಗಣ್ಯರಿಂದ ಪ್ರವಚನ ಇತ್ಯಾದಿ ಕಾರ್ಯಕ್ರಮಗಳು ಜರಗಲಿರುವುದು.

ಪ್ರತಿಷ್ಠಿತ ಜಿನಸಮ್ಮಿಲನ ಕಾರ್ಯಕ್ರಮ

ಸುಹಾಸ್ತಿ ಯುವ ಜೈನ್ ಮಿಲನ್, ಬೆಂಗಳೂರು ವತಿಯಿಂದ ಆಯೋಜಿಸಲಾಗುತ್ತಿರುವ ಪ್ರತಿಷ್ಠಿತ ಜಿನಸಮ್ಮಿಲನ ಕಾರ್ಯಕ್ರಮವು ಇದೇ ಬರುವ ಡಿಸೆಂಬರ್ 11, 12 & 13ರಂದು ಸಮ್ಮೇದ ಶಿಖರ್ಜಿಯಲ್ಲಿ ನಡೆಯಲಿದೆ. ಇದೇ ಸಂದರ್ಭದಲ್ಲಿ ಜಿನಸಮ್ಮಿಲನದ ವಿಶೇಷ ಲೋಗೋವನ್ನು ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿಗಳಾದ ಡಾ. ಡಿ. ವೀರೇಂದ್ರ ಹೆಗ್ಗಡೆಯವರು ಲೋಕಾರ್ಪಣೆ ಮಾಡಿದರು. ಡಾ. ಹೆಗ್ಗಡೆಯವರು ಮುಂಬರುವ ಜಿನಸಮ್ಮಿಲನ ಕಾರ್ಯಕ್ರಮಕ್ಕೆ ಶುಭಹಾರೈಸಿ, ಕಾರ್ಯಕ್ರಮವು ಯಶಸ್ವಿಯಾಗಿ ನೆರವೇರಲಿ ಹಾಗೂ ಯುವಜನರಿಗೆ ಮತ್ತಷ್ಟು ಪ್ರೇರಣೆಯಾಗಲಿ ಎಂದು ಆಶೀರ್ವದಿಸಿದರು. ನಂತರ ಹೇಮಾವತಿ ವೀ. ಹೆಗ್ಗಡೆಯವರನ್ನು ಭೇಟಿ ಮಾಡಲಾಯಿತು. ಅವರು ಜಿನಸಮ್ಮಿಲನವು ಯಶಸ್ವಿಯಾಗಿ ನೆರವೇರಲಿ, ಯುವ ಜನರನ್ನು ಮತ್ತಷ್ಟು ಒಗ್ಗೂಡಿಸಿ ಸಮಾಜದಲ್ಲಿ ಸಕರಾತ್ಮಕ ಚಟುವಟಿಕೆಗಳಿಗೆ ಪ್ರೇರಣೆಯಾಗಲಿ ಎಂದು ಶುಭ ಹಾರೈಸಿದರು. ಈ ಸಂದರ್ಭದಲ್ಲಿ ಸುಹಾಸ್ತಿ ಯುವ ಜೈನ್ ಮಿಲನ್ ಅಧ್ಯಕ್ಷರಾದ ದರ್ಶನ್ ಜೈನ್ ಮಾರಲಗೋಡು, ಚಿತ್ತ ಜಿನೇಂದ್ರ, ಮಾಜಿ ಅಧ್ಯಕ್ಷರಾದ ಪುಟ್ಟುಸ್ವಾಮಿ, ಮಾಜಿ ಕಾರ್ಯದರ್ಶಿ ಅಭಿನಂದನ್ ಜೈನ್ ಬಿದರೂರು ಹಾಗೂ ಅಭಿಷೇಕ್ ಉಪಸ್ಥಿತರಿದ್ದರು.

ಕುಪ್ಪೆಪದವು: ಜೈನ್ ಮಿಲನ್ ವತಿಯಿಂದ ವಕೀಲೆ ಶ್ವೇತಾ ಜೈನ್ ರವರಿಗೆ ಗೌರವ

ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಹಾಗೂ ನ್ಯಾಯ ಕ್ಷೇತ್ರದಲ್ಲಿನ ಸಾಧನೆಗಳಿಗಾಗಿ ವಕೀಲೆ ಶ್ವೇತ ಜೈನ್ ಅವರನ್ನು ಕುಪ್ಪೆಪದವು ಜೈನ್ ಮಿಲನ್ ವತಿಯಿಂದ ಸನ್ಮಾನಿಸಲಾಯಿತು. 2026-28ನೇ ಸಾಲಿಗೆ ಭಾರತೀಯ ಜೈನ್ ಮಿಲನ್ ಮಂಗಳೂರು ವಿಭಾಗದ ಜೊತೆ ಕಾರ್ಯದರ್ಶಿಯಾಗಿ ಪುನರ್ ಆಯ್ಕೆಯಾದ ಹಿನ್ನೆಲೆಯಲ್ಲಿ ಹಾಗೂ ಕುಪ್ಪೆಪದವು ಮತ್ತು ಬೆಳುವಾಯಿ ಜೈನ್ ಮಿಲನ್‌ಗೆ ನಿರ್ದೇಶಕರಾಗಿ ಹೆಚ್ಚುವರಿ ಜವಾಬ್ದಾರಿ ನೀಡಿದ ಸಂದರ್ಭದಲ್ಲಿ ಸನ್ಮಾನ ಕಾರ್ಯಕ್ರಮ ನಡೆಯಿತು. ಭಾರತೀಯ ಜೈನ್ ಮಿಲನ್ ಮಂಗಳೂರು ವಿಭಾಗದ ಕಾರ್ಯದರ್ಶಿ ಸುಭಾಷ್ ಚಂದ್ರ ಜೈನ್, ಅಧ್ಯಕ್ಷ ಧೀರೇಶ್ ಜೈನ್, ಕಾರ್ಯದರ್ಶಿ ಜಿನೇಂದ್ರ ಇಂದ್ರ, ಭೋಜರಾಜ್ ಜೈನ್, ಅಜಿತ್ ಕುಮಾರ್ ಜೈನ್, ಸ್ವರ್ಣ ಲತಾ, ಪದ್ಮಪ್ರಸಾದ್ ಇಂದ್ರ ಹಾಗೂ ಉದಯಕುಮಾರ್ ಉಪಸ್ಥಿತರಿದ್ದರು.

ವಿವಿಧ ಸಾಂಸ್ಕೃತಿಕ ಸ್ಪರ್ಧೆಗಳು

ಬೆಳಗಾವಿ:- ದಕ್ಷಿಣ ಭಾರತ ಜೈನ ಸಭೆಯ ಮಾಣಿಕಬಾಗ ದಿಗಂಬರ ಜೈನ ಬೋರ್ಡಿಂಗ್ ನಲ್ಲಿ ಪ್ರಥಮಾಚಾರ್ಯ ಶ್ರೀ 108 ಶಾಂತಿಸಾಗರ ಮಹಾರಾಜರ ಪುಣ್ಯತಿಥಿ ಹಾಗೂ ದಶಲಕ್ಷಣ ಪರ‍್ವನಿಮಿತ್ತ ಕೈ. ಶ್ರೀ ನೇಮಿನಾಥ ಕಲ್ಲಪ್ಪಾ ಇಂಚಲ ಮತ್ತು ಶ್ರೀಮತಿ ಸುಮಿತ್ರಾದೇವಿ ನೇಮಿನಾಥ ಇಂಚಲ ಸಾಂಸ್ಕೃತಿಕ ಸ್ಪರ್ಧೆಗಳು-2026ನ್ನು ಆಯೋಜಿಸಲಾಗಿದೆ. ಕಂಠಪಾಠ ಸ್ಪರ್ಧೆ: (5 ರಿಂದ 10 ವರ್ಷಗಳು) ವಿಷಯ: ಗೊಮ್ಮಟ ಸ್ತುಥಿ (ಥುದಿ) (ವಿಸಟ್ಟ ಕಂದೊಟ್ಟ) ಭಾಷಣ ಸ್ಪರ್ಧೆ: (11 ರಿಂದ 22 ವರ್ಷಗಳು) ವಿಷಯ: 1) ವರ್ಧಮಾನ (ಮಹಾವೀರ) ತೀರ್ಥಂಕರ ಚರಿತ್ರೆ 2) ವರ್ತಮಾನ ಕಾಲದ 24 ತೀರ್ಥಂಕರರ ಮೋಕ್ಷಸ್ಥಾನ (ಕೂಟ)ಗಳ ಹೆಸರು ಸಮಯ: 5 ನಿಮಿಷ (Five minutes) ಭಾಷಣ ಸ್ಪರ್ಧೆ: (23 ರಿಂದ 40 ವರ್ಷಗಳು) ವಿಷಯ: 1) “ರತ್ನತ್ರಯ”-ವಿಶ್ಲೇಷಣೆ ಸಮಯ: 5 ನಿಮಿಷ (Five minutes) ಸ್ಪರ್ಧೆಯ ದಿನಾಂಕ: 06-09-2026 ಸ್ಥಳ: “ಶಾಂತಿಸ್ಮಾರಕ”, ಮಾಣಿಕಬಾಗ ದಿಗಂಬರ ಜೈನ ಬೊರ್ಡಿಂಗ, ಪಿ.ಬಿ.ರಸ್ತೆ, ಬೆಳಗಾವಿ. ವಿ.ಸೂ: 1) ಸ್ಪರ್ಧೆಗೆ ಭಾಗವಹಿಸಲಿಚ್ಛಿಸುವ ಅಭ್ಯರ್ಥಿಗಳಿಗೆ ಹೆಸರು ನೋಂದಾಯಿಸಲು ಕೊನೆಯ ದಿನಾಂಕ 30-08-2026 2) ಸ್ಪರ್ಧೆಗೆ ಭಾಗವಹಿಸುವ ಅಭ್ಯರ್ಥಿಗಳು ನಿಮ್ಮ ಆಧಾರ ಕಾರ್ಡನ್ನು ತೆಗೆದುಕೊಂಡು ಬನ್ನಿರಿ. 3) ಬಹುಮಾನವನ್ನು ಅದೇ ದಿನ ಕೊಡಲಾಗುವುದು. ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ:- 7022691008, 9481106489, 8762640855, 8095939274, 9448013923

ಯಜ್ಞೋಪವಿತ ತಯಾರಿಸುವ ತರಬೇತಿ

ಶಿಶಿಲ: ಭಗವಾನ್ 1008 ಶ್ರೀ ಚಂದ್ರನಾಥ ಸ್ವಾಮಿ ಬಸದಿ ಶ್ರೀ ಕ್ಷೇತ್ರ ಚಂದ್ರಪುರ ಹಾಗೂ ಭಗವಾನ್ 1008 ಶ್ರೀ ಅನಂತನಾಥ ಸ್ವಾಮಿ ಬಸದಿ ಇಚಿಲoಪಾಡಿ ಇವರ ಸಂಯುಕ್ತ ಆಶ್ರಯದಲ್ಲಿ ಜೈನರಲ್ಲಿ ಸಮ್ಯಕ್ ದರ್ಶನ, ಜ್ಞಾನ, ಚಾರಿತ್ರಗಳೆಂಬ ರತ್ನತ್ರಯಗಳ ಸಂಕೇತವಾದ ಯಜ್ಞೋಪವಿತ (ಜನಿವಾರ) ತಯಾರಿಸುವ ತರಬೇತಿಯನ್ನು ಜಿನ ಮಂದಿರದಲ್ಲಿ ನೀಡಲಾಯಿತು. ಈ ಸಂದರ್ಭದಲ್ಲಿ ಡಾ. ಕೆ. ಜಯಕೀರ್ತಿ ಜೈನ್, ಧನ ಕೀರ್ತಿ ಶೆಟ್ಟಿ, ಮಹಾವೀರ್ ಜೈನ್, ಶುಭಕರ ಹೆಗ್ಡೆ, ವಿಜು ಜೈನ್, ಸಿ ಅಶೋಕ್ ಜೈನ್, ಪ್ರವೀಣ್, ರೋಷನ್, ಸುದೇಶ್ ಜೈನ್, ನಮನ್, ಸುವರ್ಣ ಲತಾ, ಜಯಶ್ರೀ, ಶ್ವೇತ, ಸುರಭಿ, ಸುನಿತಾ ದೇವಿ, ಪ್ರತಿಮಾ, ಶಕುಂತಲಾ ಜೈನ್, ಸೂರಜ್, ಪುರೋಹಿತರು ಹಾಗೂ ಆಡಳಿತ ಸಮಿತಿಯ ಪದಾಧಿಕಾರಿಗಳು ಉಪಸ್ಥಿತರಿದ್ದರು. ಈ ಕಾರ್ಯಕ್ರಮಕ್ಕೆ ಅತೀ ಹೆಚ್ಚಿನ ಸಂಖ್ಯೆಯಲ್ಲಿ ಶ್ರಾವಕ-ಶ್ರಾವಕಿಯರು ಭಾಗವಹಿಸಿದ್ದರು.

ಬಿದರೂರು ಜೈನ ಬಸದಿಯಲ್ಲಿ ವಿಶೇಷ ಪೂಜೆ, ಅಭಿಷೇಕ

ಸಾಗರ/ಕಾರ್ಗಲ್‌: ಇತಿಹಾಸ ಪ್ರಸಿದ್ಧ ಬಿದರೂರು ಜೈನ ಬಸದಿಯಲ್ಲಿ ಶ್ರಾವಣ ಶುಕ್ರವಾರದ ಅಂಗವಾಗಿ ಭಗವಾನ್ ವರ್ಧಮಾನ ಸ್ವಾಮಿ, ಕೂಷ್ಮಾಂಡಿನಿ ಮಾತೆ ಹಾಗೂ ಪದ್ಮಾವತಿ ಮತ್ತು ಸಿದ್ಧಯಿನಿ ಅಮ್ಮನವರಿಗೆ ಪಂಚಾಮೃತ ಅಭಿಷೇಕ ನೆರವೇರಿಸಲಾಯಿತು. ಅರ್ಚಕರಾದ ಮೋಹನ ಕುಮಾರ ಇಂದ್ರರು, ವಿದ್ಯಾಧರ ಇಂದ್ರರು, ಛವಿಷಾ ಇಂದ್ರರ ನೇತೃತ್ವದಲ್ಲಿ ಕುಂಕುಮಾರ್ಚನೆ, ಅಷ್ಟ ವಿಧಾರ್ಚನೆಗಳು ಮತ್ತು ಮಹಾಮಂಗಳಾರತಿ ಪೂಜೆಯನ್ನು ನೆರವೇರಿಸಲಾಯಿತು. ಈ ಸಂದರ್ಭದಲ್ಲಿ ಅತೀ ಹೆಚ್ಚಿನ ಸಂಖ್ಯೆಯಲ್ಲಿ ಶ್ರಾವಕ-ಶ್ರಾವಕಿಯರು ಭಾಗವಹಿಸಿದ್ದರು.

ಮುಕುಟಸಪ್ತಮಿ ಆಚರಣೆ

ಹುಬ್ಬಳ್ಳಿ: ಛಬ್ಬಿ ಗ್ರಾಮದ ಭಗವಾನ್ ಶ್ರೀ 1008 ಶಾಂತಿನಾಥ ತೀರ್ಥಂಕರ ಜಿನ ಮಂದಿರದಲ್ಲಿ ಸ್ಥಳೀಯ ಸಮಸ್ತ ಜೈನ್ ಸಮಾಜದ ವತಿಯಿಂದ ಮುಕುಟಸಪ್ತಮಿ ಆಚರಣೆ ಮಾಡಲಾಯಿತು. ಈ ಸಂದರ್ಭದಲ್ಲಿ ನಿರ್ವಾಣ ಲಾಡು ಸಮರ್ಪಣೆ ಕಾರ್ಯಕ್ರಮದಲ್ಲಿ ಪಾವನ ಸಾನಿಧ್ಯವನ್ನು ಪರಮ ಪೂಜ್ಯ ಡಾ 108 ಶ್ರೀ ಬಾಲಾಚಾರ್ಯ ಸಿದ್ಧಸೇನ ಮುನಿ ಮಹಾರಾಜರು ವಹಿಸಿದ್ದರು. ಪಾರಿಶ್ವನಾಥ ತೀರ್ಥಂಕರರ ಮೋಕ್ಷ ಹೊಂದಿದ ಪವಿತ್ರ ದಿನ, ತನ್ನಿಮಿತ್ತ ಜಿನ ಮಂದಿರದಲ್ಲಿ ಪಂಚಾಮೃತ ಅಭಿಷೇಕ ಮಹಾ ಶಾಂತಿ ಮಂತ್ರ ನಂತರ ಸಭಾ ಮಂಟಪದಲ್ಲಿ 150 ಮಕ್ಕಳಿಂದ ಪಾರಿಶ್ವನಾಥ ತೀರ್ಥಂಕರಿಗೆ ಅಭಿಷೇಕ ಪೂಜಾ ವಿಧಿವಿದಾನ ನಡೆದವು. ನಂತರ ಮಹಾವೀರ ಯುವಕ ಮಂಡಳದವರಿಂದ ಸಮ್ಮೇದ ಶಿಖರ್ಜಿಯಲ್ಲಿ ಇರುವ 24 ಕೂಟ (ಮಂದಿರ) ಸ್ತಬ್ದ ಚಿತ್ರ ರಚನೆ ಮಾಡಿ ತೀರ್ಥಂಕರರಿಗೆ ನಿರ್ವಾಣ ಲಾಡು ಸಮರ್ಪಣೆ ಮಾಡಲಾಯಿತು. ಈ ಸಂದರ್ಭದಲ್ಲಿ ಮುನಿಮಹಾರಾಜರು ಮಾನವ ಜನ್ಮ ಸಿಕ್ಕಿದು ಮಹಾಪುಣ್ಯ ಕಾರಣ ಎಲ್ಲರು ದೇವರ ದರ್ಶನ ಸ್ವಾಧ್ಯಾಯ ಜಪ ಮಾಡಬೇಕು. ಮುಕುಟ ಅಂದರೆ ಕಿರೀಟ ಇದ್ದಹಾಗೆ ಮೋಕ್ಷ ಮಾರ್ಗದ ಕಡೆ ಹೋಗುವ ಹಾಗೆ ಆದಕಾರಣ ತಾವುಗಳು ತನು ಮನ ಧನದಿಂದ ಧಾರ್ಮಿಕ ಕಾರ್ಯಕ್ರಮದಲ್ಲಿ ಸಮರ್ಪಣಾ ಭಾವದಿಂದ ಭಾಗವಹಿಸಿ ಪುಣ್ಯವನ್ನು ಸಂಪಾದಿಸಿಕೊಳ್ಳಿ ಎಂದು ಪ್ರವಚನದಲ್ಲಿ ತಿಳಿಸಿದರು. ಈ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಶ್ರಾವಕ ಶ್ರಾವಕಿಯರು ಭಾಗವಹಿಸಿದ್ದರು. ವರದಿ : ಎಸ್ ಆರ್ ಮಲ್ಲಸಮುದ್ರ

ಅಲ್ಪಸಂಖ್ಯಾತ ಜೈನ ಸೇವಾ ಸಂಘ- ಪದಾಧಿಕಾರಿಗಳ ಆಯ್ಕೆ

ಅಲ್ಪಸಂಖ್ಯಾತ ಜೈನ ಸೇವಾ ಸಂಘ ನವನಗರ ಹುಬ್ಬಳ್ಳಿ ಇದರ 2026-27 ರಿಂದ ಮೂರು ವರ್ಷದ ಅವಧಿಗೆ ಪದಾಧಿಕಾರಿಗಳ ಆಯ್ಕೆ ನಡೆಯಿತು . ಸಂರಕ್ಷಕರಾಗಿ ಬಿ.ಎ. ಪಾಟೀಲ, ಗೌರವಾಧ್ಯಕ್ಷರಾಗಿ ಜೆ.ಎ. ಪಾಟೀಲ ಇವರನ್ನು ನಾಮ ನಿರ್ದೇಶನ ಮಾಡಲಾಯಿತು. ಶಾಂತರಾಜ ಮಲ್ಲಸಮುದ್ರ ಇವರು ಅಧ್ಯಕ್ಷರಾಗಿ ಸತತ ಐದನೇ ಬಾರಿ ಮರು ಆಯ್ಕೆಯಾದರೆ, ಕಾರ್ಯಾಧ್ಯಕ್ಷರಾಗಿ ರವೀಂದ್ರ ಟಿ ರಾಯಪ್ಪನವರ, ಉಪಾಧ್ಯಕ್ಷರಾಗಿ ಅಜಿತ ಎ ಉಪಾಧ್ಯ, ಮಹಿಳಾ ಉಪಾಧ್ಯಕ್ಷರಾಗಿ ಶೋಭಾ ವರೂರ, ಗೌರವ ಕಾರ್ಯದರ್ಶಿಯಾಗಿ ದೇವೇಂದ್ರ ಆರ್ ಚೌದರಿ, ಸಹಕಾರ್ಯದರ್ಶಿಗಳಾಗಿ ಸಂತೋಷ ಹಂಡಗೆ ಮತ್ತು ಅಶೋಕ ಯೋಗಪ್ಪನವರ, ಖಜಾಂಚಿಯಾಗಿ ಯಲ್ಲಪ್ಪ ಆಂಬೊಜಿ ಆಯ್ಕೆಗೊಂಡರು. ಕಾರ್ಯಕಾರಿ ಮಂಡಳಿ ಸದಸ್ಯರಾಗಿ : * ಭೀಮಣ್ಣ ಎಸ್ ವರೂರ * ರತ್ನಾಕರ ಜೆ ಪಾಟೀಲ * ಬಾಹುಬಲಿ ಹೊಂಬಣ್ಣವರ * ಅಶೋಕ ಅಂಬಣ್ಣವರ * ಶ್ರೇಣಿಕ ಡಿ ತೆಲಗಡ್ಡಿ * ವಿಕ್ರಮ್ ಆರ್ ಮಲ್ಲಸಮುದ್ರ * ಶಿರಿಯಪ್ಪ ಟಿ ಪಂಡಿತ ಇವರುಗಳು ಅವಿರೋಧವಾಗಿ ಆಯ್ಕೆಯಾದರು. ಅಲ್ಪಸಂಖ್ಯಾತ ಜೈನ ಸೇವಾ ಸಂಘವು ಕಳೆದ 20 ವರ್ಷಗಳಿಂದ ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಕ್ಷೇತ್ರಗಳಲ್ಲಿ ನಿರಂತರವಾಗಿ ಸಮಾಜ ಸೇವೆಯಲ್ಲಿ ತೊಡಗಿಕೊಂಡಿದ್ದು ನವನಗರದ ಭಗವಾನ ಮುನಿಸುವೃತ ಜಿನಮಂದಿರದ ಆಡಳಿತ ನಡೆಸುತ್ತಾ ಪೂಜಾ ವಿಧಾನಗಳನ್ನು ಆಯೋಜಿಸುವ ಮೂಲಕ ಆದ್ಯಾತ್ಮಿಕ ಪ್ರಭಾವನೆಯನ್ನು ಮಾಡುತ್ತಿದೆ. ವರದಿ : ರವೀಂದ್ರ ರಾಯಪ್ಪನವರ ಕಾರ್ಯಾಧ್ಯಕ್ಷರು

ವಿದ್ವಾನ್ ಚಂದ್ರಯ್ಯರಿಗೆ ಕಸಾಪದ ರಾಜ್ಯಮಟ್ಟದ ಚಾವುಂಡರಾಯ ಪ್ರಶಸ್ತಿ ಪ್ರದಾನ

ಮೂಡುಬಿದಿರೆ: ಸಾಹಿತ್ಯ ಸೇವೆಗೆ ವಯಸ್ಸಿನ ನಿರ್ಬಂಧವಿಲ್ಲ ಎನ್ನುವುದಕ್ಕೆ ಶತಾಯುಷಿ ವಿದ್ವಾನ್ ಚಂದ್ರಯ್ಯ ಅವರು ಚಾವುಂಡರಾಯ ದತ್ತಿ ಪ್ರಶಸ್ತಿಗೆ ಭಾಜನರಾಗಿರುವುದೇ ಸಾಕ್ಷಿ . ಈ ಮೂಲಕ ಕನ್ನಡ ಸಾಹಿತ್ಯ ಪರಿಷತ್ ತನ್ನ ಘನತೆ ಹೆಚ್ಚಿಸಿಕೊಂಡಂತಾಗಿದೆ ಎಂದು ರಾಜ್ಯ ಉಚ್ಛನ್ಯಾಯಾಲಯದ ನಿವೃತ್ತ ನ್ಯಾಯಮೂರ್ತಿ ಪದ್ಮರಾಜ ನೇಮಿಚಂದ್ರ ದೇಸಾಯಿ ನುಡಿದರು. ಅವರು ಬೆಂಗಳೂರಿನ ಕನ್ನಡ ಸಾಹಿತ್ಯ ಪರಿಷತ್ ವತಿಯಿಂದ ಶ್ರೀ ಕೃಷ್ಣ ರಾಜ ಪರಿಷತ್ತಿನ ಮಂದಿರದಲ್ಲಿ ಜರಗಿದ ಚಾವುಂಡರಾಯ ದತ್ತಿ ಹಾಗೂ ಡಾ. ಸಿದ್ಧಲಿಂಗಯ್ಯ ದತ್ತಿ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ದೀಪ ಪ್ರಜ್ವಲನಗೊಳಿಸಿ ಉದ್ಘಾಟಿಸಿ ಮಾತನಾಡಿದರು. ದತ್ತಿ ಪ್ರಶಸ್ತಿ ಪ್ರದಾನ: ಪ್ರಾಚೀನ ಜೈನ ಸಾಹಿತ್ಯವನ್ನು ಆಧರಿಸಿ ಆಧುನಿಕ ಕನ್ನಡ ಸಾಹಿತ್ಯದಲ್ಲಿ ಕೃತಿ ರಚನೆಯ ಸಾಧನೆಗಾಗಿ 2024ನೇ ಸಾಲಿಗೆ ಹಿರಿಯ ಸಾಹಿತಿ ಶತಾಯುಷಿ ವಿದ್ವಾನ್ ಬಿ. ಚಂದ್ರಯ್ಯ ಅವರಿಗೆ 2025 ರ ಸಾಲಿಗೆ ವಿಜಯಪುರದ ಡಿ.ಎನ್. ಅಕ್ಕಿ ಅವರಿಗೆ ನಗದು ಗೌರವ ಸಹಿತ ರಾಜ್ಯ ಮಟ್ಟದ ಚಾವುಂಡರಾಯ ಪ್ರಶಸ್ತಿ ಪ್ರದಾನ ನಡೆಯಿತು. ಬೆಂಗಳೂರಿನ ಹಿರಿಯ ಸಾಹಿತಿ, ಸಂಶೋಧಕ ಡಾ. ಹೆಚ್.ಆರ್. ಸ್ವಾಮಿ ಅವರಿಗೆ ಡಾ. ಸಿದ್ಧಲಿಂಗಯ್ಯ ಸಾಹಿತ್ಯ ದತ್ತಿ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಸಾರ್ಥಕ ಭಾವ: ಚಂದ್ರಯ್ಯ ಜೀವನದ ನೂರನೇ ವಯಸ್ಸಿನಲ್ಲಿ ಸಾಹಿತ್ಯ ಸೇವೆಗಾಗಿ ಚಾವುಂಡರಾಯ ಪ್ರಶಸ್ತಿಯಂತಹ ಗೌರವ ಲಭಿಸಿರುವುದು ಸಾರ್ಥಕ ಭಾವ ತಂದಿದೆ ಎಂದು ಪ್ರಶಸ್ತಿ ಪುರಸ್ಕೃತ ವಿದ್ವಾನ್ ಚಂದ್ರಯ್ಯ ನುಡಿದರು. ಕನ್ನಡ ರಾಜ್ಯೋದಯದ ಸಂದರ್ಭ ಮಡಿಕೇರಿಯಲ್ಲಿ ಖಾದಿ ಕಮಿಶನ್ ಉದ್ಯೋಗಿಯಾಗಿದ್ದ ಸಂದರ್ಭ ಬರೆದ " ಉದಯವಾಯಿತು ಒಂದು ಗೂಡಿತು ಹರಿದ ಹಿರಿಮೆಯ ಕನ್ನಡ" ಎಂಬ ಆಶಯ ಗೀತೆಯನ್ನು ಹಾಡಿದ ಅವರು ತನಗೆ ದೊರೆತ ಈ ಗೌರವದಿಂದ ಸಂತಸಗೊಂಡಿದ್ದ ಪತ್ನಿ ಸರೋಜಿನಿ ಪ್ರಶಸ್ತಿ ಪ್ರದಾನದ ಮುನ್ನಾ ದಿನ ನಿಧನರಾಗಿದ್ದಾರೆ. ಆದರೆ ಗೀತೆಯ ನಿರ್ಲಿಪ್ತತೆಯೊಂದಿಗೆ ಪ್ರಶಸ್ತಿ ಸ್ವೀಕರಿಸಿ ಪತ್ನಿಯ ಆಶಯ ಪೂರೈಸಿದ ಸಂತಸ ಅನುಭವಿಸುತ್ತಿದ್ದೇನೆ ಎಂದರು. ಮುಖ್ಯ ಅತಿಥಿಯಾಗಿದ್ದ ಬೆಂ.ವಿ.ವಿ. ಕನ್ನಡ ಅಧ್ಯಯನ ಕೇಂದ್ರದ ಪ್ರಾಧ್ಯಾಪಕ ಪ್ರೊ. ರಾಜಪ್ಪ ದಳವಾಯಿ ಪ್ರಶಸ್ತಿ ಪ್ರದಾನ ನೆರವೇರಿಸಿ ಮಾತನಾಡಿ ಅಜಲು ಪದ್ಧತಿ ನಿಷೇಧಿಸುವಲ್ಲಿ ಕಾರಣರಾದ ಸಿದ್ಧಲಿಂಗಯ್ಯ ಅವರ ಬದುಕೊಂದು ಸಾಹಸ ಗೀತೆ ಎಂದರು. ಗಮಕಿ ವಿದ್ವಾಂಸ ತೆಕ್ಕೆಕೆರೆ ಸುಬ್ರಹ್ಮಣ್ಯ ಭಟ್ ಅವರು ಸಮ್ಮಾನಿತರನ್ನು ಪರಿಚಯಿಸಿ ರತ್ನಾಕರವರ್ಣಿ ಸಾಂಗತ್ಯದಲ್ಲಿ ರಚಿಸಿದ ಭರತೇಶ ವೈಭವ ಕೃತಿಯನ್ನು ಭಾಮಿನಿ ಷಟ್ಪದಿಯಲ್ಲಿ ಕನ್ನಡ ಸಾಹಿತ್ಯಕ್ಕೆ ಭರತೇಶ ವೈಭವಾಮೃತವನ್ನಾಗಿ ನೀಡಿದ ಚಂದ್ರಯ್ಯ ಅವರ ಕೊಡುಗೆ ಅನನ್ಯ . ಇಳಿವಯಸ್ಸಿನಲ್ಲೂ ಅವರು ಮಾಡುತ್ತಿರುವ ಸಾಹಿತ್ಯ ಸೇವೆ ಮಾದರಿ ಎಂದರು. ದತ್ತಿ ದಾನಿಗಳಾದ ವಿಶ್ರಾಂತ ಪತ್ರಿಕಾ ಸಂಪಾದಕ, ಸಾಹಿತಿ ಡಾ. ಪದ್ಮರಾಜ ದಂಡಾವತಿ ಆಶಯದ ನುಡಿಗಳನ್ನಾಡಿ ಚಂದ್ರಯ್ಯ ಅವರನ್ನು ತಡವಾಗಿಯಾದರೂ ಗುರುತಿಸಿ ಗೌರವಿಸಲಾಗುತ್ತಿದೆ ಎಂದರು. ದತ್ತಿ ದಾನಿ ರಮಾಕುಮಾರಿ ಸಿದ್ದಲಿಂಗಯ್ಯ ಮಾತನಾಡಿ ಮಾನವ ಧರ್ಮ, ಮಾನವೀಯತೆಯ ಸಾಧಕರಿಗೆ ಸಿದ್ಧಲಿಂಗಯ್ಯ ದತ್ತಿ ಪ್ರಶಸ್ತಿ ನೀಡಿ ಗೌರವಿಸುವ ಆಶಯವನ್ನು ವಿವರಿಸಿದರು. ಪ್ರಶಸ್ತಿ ಪುರಸ್ಕೃತ ಸಾಧಕರಾದ ಡಿ.ಎನ್. ಅಕ್ಕಿ, ಡಾ. ಹೆಚ್.ಆರ್. ಸ್ವಾಮಿ ತಮ್ಮ ಅನಿಸಿಕೆ ಹಂಚಿಕೊಂಡರು. ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಪರಿಷತ್ ಆಡಳಿತಾಧಿಕಾರಿ ಕೆ.ಎ. ದಯಾನಂದ, (ಐ.ಎ.ಎಸ್.) ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ನಾಡಗೀತೆಯೊಂದಿಗೆ ಆರಂಭವಾದ ಸಮಾರಂಭದಲ್ಲಿ ಶಾಂತಕುಮಾರಿ ಕೆ.ಆರ್. ಸ್ವಾಗತಿಸಿ ಚಂದನ ವಾಹಿನಿಯ ಧನಂಜಯ ನಿರೂಪಿಸಿ ವಂದಿಸಿದರು. ಭಟ್ಟಾರಕ ಶ್ರೀ ಗೌರವಾಭಿನಂದನೆ: ವಿದ್ವಾನ್ ಬಿ. ಚಂದ್ರಯ್ಯ ಅವರು ಶಿಕ್ಷಕರಾಗಿ ಸೇವೆ ಸಲ್ಲಿಸಿದ ಮೂಡುಬಿದಿರೆಯ ಶ್ರೀ ಜೈನ ಮಠದ ಚಾರುಕೀರ್ತಿ ಭಟ್ಟಾರಕ ಪಂಡಿತಾಚಾರ್ಯವರ್ಯ ಮಹಾಸ್ವಾಮೀಜಿಯವರು ಜೈನ ಸಾಹಿತ್ಯ ರಂಗಕ್ಕೆ ಅನನ್ಯ ಕೊಡಗೆ ನೀಡಿ ಪ್ರತಿಷ್ಠಿತ ಚಾವುಂಡರಾಯ ಪ್ರಶಸ್ತಿಗೆ ಭಾಜನರಾದ ಚಂದ್ರಯ್ಯ ಅವರನ್ನು ಅಭಿನಂದಿಸಿದ್ದಾರೆ. ಪ್ರಶಸ್ತಿ ಪ್ರದಾನಕ್ಕೆ ವಾರದ ಮೊದಲೇ ಬೆಂಗಳೂರಿನ ಚಂದ್ರಯ್ಯ ಅವರ ನಿವಾಸಕ್ಕೆ ತೆರಳಿ ಸರೋಜಿನಿಚಂದ್ರಯ್ಯ ದಂಪತಿಯನ್ನು ಶ್ರೀಗಳವರು ಗೌರವಿಸಿದ್ದರು. ಇದೇ ವೇಳೆ ಶ್ರೀ ಮಠದ ವಿವೇಕಾಭ್ಯುದಯ ಮಾಸಿಕದ ಸಂಪಾದಕರಾಗಿ ದೀರ್ಘಾವಧಿಗೆ ಚಂದ್ರಯ್ಯ ಅವರು ಸಲ್ಲಿಸಿರುವ ಸೇವೆಯನ್ನೂ ಶ್ರೀಗಳವರು ಸ್ಮರಿಸಿಕೊಂಡಿದ್ದಾರೆ.

ಶಿರ್ಲಾಲು: ಆಹಾರೋತ್ಸವ ಮತ್ತು ವಿದ್ಯಾರ್ಥಿವೇತನ ವಿತರಣಾ ಕಾರ್ಯಕ್ರಮ

ಭಾರತೀಯ ಜೈನ್ ಮಿಲನ್ ಶಿರ್ಲಾಲು ಮತ್ತು ಶ್ರೀ ಅನಂತಮತಿ ಮಹಿಳಾ ಸಂಘ ಶಿರ್ಲಾಲು ಇವರ ನೇತೃತ್ವದಲ್ಲಿ ಆಹಾರೋತ್ಸವ 2026 ಮತ್ತು ವಿದ್ಯಾರ್ಥಿ ವೇತನ ವಿತರಣಾ ಕಾರ್ಯಕ್ರಮ ನಡೆಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸುನಿಲ್ ಕುಮಾರ್ ಜೈನ್ ಮತ್ತು ಮಲ್ಲಿಕಾ ಜಯಪಾಲ್ ಜೈನ್ ವಹಿಸಿದ್ದರು. ಮುಖ್ಯ ಅತಿಥಿಯಾಗಿ ಭಾರತೀಯ ಭಾರತೀಯ ಜೈನ್ ಮಿಲನ್ ವಲಯ - 8, ನಿರ್ದೇಶಕರು ಪ್ರಭಾತ್ ಕುಮಾರ್ ಜೈನ್ ಕಾರ್ಕಳ, ಅನಂತರಾಜ್ ಪೂವಣಿ. ಸನತ್ ಕುಮಾರ್ ಜೈನ್, ನಮಿರಾಜ ಜೈನ್, ನಿರಂಜನ ಕಡಂಬ, ಶಾಂತಿರಾಜ್ ಜೈನ್, ಸುದರ್ಶನ್ ಜೈನ್, ಶ್ರೀಕಾಂತ ಇಂದ್ರ, ವಿನಂತಿ ಆರ್ ಪೂವಣಿ ಭಾಗವಹಿಸಿದ್ದರು. ಶೀತಲ್ ಕುಮಾರ್ ಜೈನ್ ಸ್ವಾಗತಿಸಿದರು. ನೀತು ರತ್ನರಾಜ ಜೈನ್ ವಂದನಾರ್ಪಣೆ ಸಲ್ಲಿಸಿದರು. ಕಾರ್ಯಕ್ರಮದ ನಿರೂಪಣೆಯನ್ನು ಪ್ರಜ್ವಲ್ ಜೈನ್ ನೆರವೇರಿಸಿದರು.

ಮೋಕ್ಷ ಕಲ್ಯಾಣ ಮಹೋತ್ವವ

ವಿಜಯಪುರ, ಮಹೇಂದ್ರಗಿರಿಯಲ್ಲಿರುವ ಭಗವಾನ್ ಶ್ರೀ 1008 ಸಹಸ್ರಪಣಿ ಪಾರ್ಶ್ವನಾಥ ದಿಗಂಬರ ಜೈನ ಬಸದಿಯಲ್ಲಿ ಭಗವಾನ್ ಶ್ರೀ 1008 ಪಾರ್ಶ್ವನಾಥ ತೀರ್ಥಂಕರರ ಮೋಕ್ಷ ಕಲ್ಯಾಣ ಮಹೋತ್ವವ - ಮುಕುಟ ಸಪ್ತಮಿ ಕಾರ್ಯಕ್ರಮವು ಪ.ಪೂ. ಸಪ್ತಭಂಗ ವ್ಯಾಖ್ಯಾತಾ, ವಾತ್ಸಲ್ಯಮೂರ್ತಿ ಪಟ್ಟಾಚಾರ್ಯ ಶ್ರೀ ತನ್ಮಯ ಸಾಗರ ಮಹಾರಾಜರ ಪಾವನ ಸಾನ್ನಿಧ್ಯದಲ್ಲಿ ಮತ್ತು ಶ್ರೀ ಕ್ಷೇತ್ರ ಶ್ರವಣಬೆಳಗೂಳ ದಿಗಂಬರ ಜೈನ ಮಠದ ಪ.ಪೂ ಸ್ವಸ್ತಿಶ್ರೀ ಚಾರುಕೀರ್ತಿ ಪಂಡಿತಾಚಾರ್ಯ ಭಟ್ಟಾರಕ ಪಟ್ಟಾಚಾರ್ಯವರ್ಯ ಮಹಾಸ್ವಾಮೀಜಿಗಳವರ ನೇತೃತ್ವ ಹಾಗೂ ಮಾರ್ಗದರ್ಶನದಲ್ಲಿ ವಿವಿಧ ಧಾರ್ಮಿಕ ವಿಧಿ - ವಿಧಾನಗಳು ನೆರವೇರಲಿರುವುದು